كۇدىكتىنى اتقان ءتارتىپ ساقشىلارىنىڭ وعى ەكى ايەلگە ءتيدى
استانا. قازاقپارات - يتاليالىق ءتارتىپ ساقشىلارىنىڭ كۇدىكتى كورىنگەن ماشيناعا وق جاۋدىرۋى سالدارىنان 49 جاستاعى ايەل مەن ونىڭ 16 جاسار قىزى جارالاندى.
ANSA اگەنتتىگىنىڭ حابارلاۋىنشا، كەلەڭسىز جاعداي جۇما كۇنى ريمدەگى اۋدانداردىڭ ءبىرىنىڭ اۋماعىندا بولعان.
اۆتوموبيل جۇرگىزۋشىسى كارابينەرلەردىڭ تەكسەرۋ ءۇشىن توقتاۋعا بەرگەن بۇيرىعىنا باعىنباعان. كەرىسىنشە جىلدامدىقتى ارتتىرىپ، ولاردى قاعىپ كەتپەككە ارەكەتتەنگەن.
ءتارتىپ ساقشىلارىنىڭ ءبىرى كۇدىكتى اۆتوموبيلدى اتادى. ءبىراق وق موتوروللەرمەن كەلە جاتقان ايەلگە تيەدى. اگەنتتىكتىڭ انىقتاۋىنشا، جاراقاتتانعان ايەلدەر شۇعىل اۋرۋحاناعا جەتكىزىلگەن.
وقيعا ورنىنان ءىزىن جاسىرعان جۇرگىزۋشى ىزدەستىرىلۋدە.
