ۇلتتىق ارنا قاشان دا ۇلتتىق قۇندىلىقتارعا قىزمەت ەتە بەرەدى - ەرلان قارين

استانا. قازاقپارات - «تۇمار» بايگەسىنىڭ «ۇزدىك اقپاراتتىق باعدارلاما»، «ۇزدىك ويىن- ساۋىق جوباسى» نوميناتسيالارى بويىنشا جەڭىمپازدار انىقتالدى، دەپ حابارلايدى «قازاقپارات» ح ا ا ءتىلشىسى.

«ۇزدىك اقپاراتتىق باعدارلاما» نوميناتسياسى بويىنشا - 31 - ارنانىڭ «ينفورمبيۋرو» باعدارلاماسى ەڭ ۇزدىك دەپ تانىلدى. ال «ۇزدىك ويىن- ساۋىق جوباسى» نوميناتسياسىندا - ۇلتتىق ارنانىڭ باستاماسىمەن كورەرمەنگە جول تارتقان «مەن قازاقپىن» جوباسىنىڭ شوقتىعى بيىك بولدى.

«ۇلتتىق ارنا قاشان دا، قاي كەزدە دە ۇلتتىق قۇندىلىقتارعا قىزمەت ەتە بەرەدى. بارشا ارىپتەستەرىمدى قۇتتىقتاي وتىرىپ، قاشان دا ۇلتتىق مۇددەگە ادال بولايىق دەگىم كەلەدى»، - دەدى «قازاقستان» رترك باسقارما ءتوراعاسى ەرلان قارين.

ەسكە سالا كەتسەك، «تۇمارعا» وتىنىمدەردى قابىلداۋ تولىعىمەن اۆتوماتتاندىرىلىپ، kaztube.kz پورتالىنىڭ نەگىزىندە جۇزەگە اسىرىلعان بولاتىن. بايگەگە قاتىسۋشىلاردىڭ جوعارى بەلسەندىلىكتەرىن اتاپ ءوتۋ كەرەك. وتىنىمدەردى قابىلداۋ كەزەڭىندە kaztube.kz پورتالىنا كىرۋشىلەر سانى 80 پايىزعا ءوستى، ال وتىنىمدەر سانى بىلتىرعى كورسەتكىشكە قاراعاندا 1,6 ەسەگە ارتتى (240 ءوتىنىم).

2018 -جىلى «تۇمارعا» 397 كونكۋرستىق جۇمىس كەلىپ ءتۇستى. ولاردىڭ ىشىندە قازىلار القاسى بايگە ەرەجەسىنىڭ تالاپتارىنا سايكەس راسىمدەلگەن 355 كونكۋرستىق ءوتىنىمدى قارادى.

اعىمداعى جىلعى بايگەگە 14 نوميناتسيا بويىنشا وتىنىمدەر قابىلداۋ 15 - قاڭتار مەن 1 - ناۋرىز ارالىعىندا جۇرگىزىلگەن.

اۆتور: ايان بەكەن ۇلى