ا ق ش- تا جۇرگىنشىلەر كوپىرى قۇلاپ، ادامداردى باسىپ قالدى - كەسكىن
استانا. قازاقپارات - ا ق ش- تاعى فلوريدا شتاتىندا جاياۋ جۇرگىنشىلەر كوپىرى وپىرىلا قۇلاعان. وقىس وقيعا سالدارىنان بىرنەشە ادامنىڭ مەرت بولعانى جانە جاراقات العاندارى بەلگىلى بولىپ وتىر، دەپ حابارلايدى CNN تەلەارناسى جەرگىلىكتى پوليتسياعا سىلتەمە جاساپ.
قۇرىلىس جۇمىسىنىڭ 2019-جىلدىڭ باسىندا ءبىتۋى جوسپارلانعان.
بۇل جاڭا كوپىر ماياميدىڭ وڭتۇستىك-باتىسىنداعى حالىقارالىق ۋنيۆەرسيتەت كامپۋسىنىڭ جانىندا ورنالاسقان. ب ا ق دەرەكتەرى بويىنشا، جولعا قۇلاعان سالماعى 950 توننالىق كوپىر قۇرىلىمى بىرنەشە اۆتوموبيلدى باسىپ قالعان. وقيعا ورنىندا قۇتقارۋ جۇمىستارى ءجۇرىپ جاتىر. اپات سەبەبى ازىرگە بەلگىسىز.
