ديماشتىڭ ىزىمەن: قايرات تۇنتەكوۆ قىتايدا ۇلكەن جوباعا قاتىسپاق

استانا. قازاقپارات - وسى كۇندەرى قايرات تۇنتەكوۆ رەسپۋبليكا سارايىندا ءوزىنىڭ جەكە كونتسەرتىن وتكىزۋى ءتيىس ەدى.

ءتىپتى، كەشتىڭ ارنايى باعدارلاماسى دا ازىرلەنىپ قويعان بولاتىن. الايدا، ءانشىنىڭ دەگەنى ورىندالمادى. نەلىكتەن؟ وزىنەن سۇراپ كورەيىك.

بۇل تۋرالى ن ت ك ارناسىنىڭ «رەۆيۋ» باعدارلاماسىندا ايتىلدى.

«ۇلكەن شوۋ-كونسەرت بولادى. ول جەردە مەنى باسقا وبرازدا كورەسىزدەر. كونسەرتتى ەۋروپانىڭ ستاندارتىمەن ىستەگىم كەلىپ جاتىر. ەندى ارينە جاندى داۋىس ول ءبىر، شوۋ ول ەكى»، - دەيدى قايرات تۇنتەكوۆ.

ەل ەستىمەگەن تاماشا كەش وتكىزەمىن دەپ كوپشىلىكتى سەندىرگەن قايرات تۇنتەكوۆ، وكىنىشكە قاراي ءوز سوزىندە تۇرا المادى. الايدا، ءانشى بەرگەن ۋادەمنەن تايىپ كەتۋىمنىڭ لايىقتى سەبەبى بار دەپ اقتالۋدا.

«ءبىر جاعدايلارمەن، ونىڭ ۇستىنە ەستىدىڭىزدەر شەتەلگە كەتىپ بارا جاتىرمىن. مەنى قىتاي شاقىرىپ وتىر، قىتايعا كەتۋىمنىڭ سەبەبىنەن، كونسەرتتى كۇزگە ما، قالدىرامىن. ويتكەنى، سول جاقتا جۇمىستارىم بار»، - دەيدى قايرات.

ديماش قۇدايبەرگەنوۆتىڭ ىزىمەن قىتايعا بارىپ، باعىن سىناۋ ءۇشىن ءانشى ماكسيم فادەيەۆتىڭ ۇسىنىسىنان دا باس تارتىپتى. شىعارماشىلىق جولدا ونەرپازدىڭ ءوز ىشكى ەسەبى بار.

«رەيتينگى جوعارى پروەكتەر كوپ. مىسالى سول جاقتىڭ «VOIC» جوباسى. ءبىزدىڭ «قازاقستان داۋىسى» سياقتى «قىتاي داۋىسى» دەگەن بار عوي. مۇمكىن سوعان قاتىسىپ قالارمىن. مۇمكىن كليپ تە تۇسىرەمىن. ءبىراق سوندا بولامىن»، - دەيدى تۇنتەكوۆ.

ءساۋىر ايىندا شەتەلگە اتتانۋدى جوسپارلاعان تۇنتەكوۆ، بۇل كۇندەرى قول قۋسىرىپ وتىرعان جوق.

«ءۇنتاسپا جازىلىپ جاتىر. ونىڭ ىشىندە جەتى-اق ءان بولادى. 7-8 مۇمكىن. زاماناۋي ستيلدە. ءوزىمنىڭ ءبىر جاڭاشا قىرىمدى كورسەتكىم كەلەدى، جاڭا ستيل كورسەتكىم كەلەدى»، - دەيدى قايرات.