شىعىس قازاقستاندا تاسىعان وزەننىڭ ارعى بەتىندە قالعان ادامدار قۇتقارىلدى
وزەن سۋى كوتەرىلىپ، كەرى قايتا الماي قالعان توپتى تۋىستارى ىزدەستىرگەن. بۇل اۋماقتا ۇيالى بايلانىس بولماعاندىقتان، جەتى ادام كومەك سۇراي الماعان. وقيعا ورنىنا جوعالعان ادامداردىڭ تۋىسقاندارىنىڭ نۇسقاۋىمەن ترەكول تەحنيكاسى ارقىلى جەتكەن قۇتقارۋشىلار وزەننىڭ ارعى بەتىنەن 7 ادامدى تاۋىپ الدى. ءۇش كۇن بويى ولار ومارتانى پانالاپ، قالعان ازىقتارىن ۇنەمدەپ پايدالانعان.
شىعىس وڭىرلىك اەروۇتقىر اپاتتىق قۇتقارۋ جاساعىنىڭ ماماندارى وزەننىڭ كەلەسى بەتىنە ارقان ارقىلى ءوتىپ، زارداپ شەگۋشىلەردى تارحانكا اۋىلىنا دەيىن جەتكىزىپ سالدى. تاسىعان وزەن تۇتقىنىندا قالعان ادامداردىڭ ەشبىرىنە مەديتسينالىق جاردەم قاجەت بولمادى.
«قۇتقارۋشىلاردىڭ ەسكەرتۋىنە قاراماستان، ادامدار ۇيدەن الىستاپ شىعۋىن قويار ەمەس. قالا تۇرعىندارى دا توتەنشە جاعدايلارعا قاراماستان، شەتكەرى شىعۋ قۇمار» - دەيدى قۇتقارۋشىلار.
