قازاقستاندا قاشان بەنزين تاپشىلىعى بولۋى مۇمكىن؟
تالداۋ ەلدە قازىر جۇمىس ىستەپ تۇرعان ءۇش مۇناي وڭدەۋ زاۋىتىن قايتا جوندەۋ جۇمىستارىن ەسكەرە وتىرىپ جاسالدى. زەرتتەۋ بارىسىندا انىقتالعانداي، وتاندىق م ءو ز- دەر جانار-جاعارمايعا سۇرانىستى جاپقان كۇننىڭ وزىندە ول تەك ورتامەرزىمدى كەزەڭدى عانا قامتيتىن بولادى.
«ياعني، بولجام بويىنشا، اۆتوبەنزين تاپشىلىعى 2021-جىلدان كەيىن بايقالماق. ال ديزەلدىك وتىن تاپشىلىعى 2023-جىلدان سوڭ، اۆياكەروسين جەتىسپەۋشىلىگى 2026-جىلدان باستاپ سەزىلە باستايدى. ودان بولەك، تاجىريبە كورسەتىپ وتىرعانداي، ەلدەگى مۇناي وڭدەۋ زاۋىتتارىنىڭ اياقاستى جۇمىسىن توقتاتۋى رەسپۋبليكا ىشىندە جانار-جاعارماي تاپشىلىعىن تۋدىرادى» دەلىنگەن ق ر ەنەرگەتيكا مينيسترلىگى قازاقپاراتتىڭ رەسمي ساۋالىنا جولداعان جاۋابىندا.
سونداي-اق، ءتورتىنشى مۇناي وڭدەۋ زاۋىتى قاي جەردە سالىناتىنى ازىرشە ناقتىلانباعان.
«قازىرگى ۋاقىتتا ءتورتىنشى مۇناي وڭدەۋ زاۋىتىن سالۋ تۋرالى شەشىم شىعارۋ ءۇشىن جۇمىس توبى الدىن الا تەحنيكالىق-ەكونوميكالىق نەگىزدەمە قۇرۋ ماسەلەسىن قاراستىرىپ جاتىر. زاۋىتتىڭ سالىناتىن ورىنى مەن پارامەترلەرى سونىڭ نەگىزىندە انىقتالادى»، - دەلىنگەن حابارلامادا.
ايتا كەتەيىك، بۇعان دەيىن ەنەرگەتيكا ءمينيسترى قانات بوزىمبايەۆ قازاقستاندا 4- شى م ءو ز 2022-جىلعا قاراي سالىنۋى كەرەك دەپ ءمالىم ەتكەن بولاتىن.
