كۇن جۇيەسىنەن تىرشىلىك ەتۋگە بولاتىن عالامشار تابىلدى

ونىڭ بىرىندە تەڭىزدەر مەن جەر اتموسفەراسى بار جانە تىرشىلىك ەتۋگە قولايلى ەكەن، دەپ حابارلايدى techno.bigmir.net سايتى.

«ءبىزدىڭ ەسەپتەۋىمىزشە، بۇل عالامشاردا جەر اتموسفەراسى بار، ءبىراق ناقتى بولجام ايتۋ قيىن» ، - دەيدى توكيو تەحنولوگيا ينستيتۋتىنىڭ وقىتۋشىسى تەرۋيۋكي حيرانو.

وربيتالىق تەلەسكوپ - كەپلەردى ۇشىرعاننان كەيىن عالىمدار كۇن جۇيەسىنەن تىس جەردەن ءتورت مىڭعا جۋىق جەرگە ۇقساس عالامشار بار ەكەنىن جانە وندا ءومىر سۇرۋگە بولاتىنىن انىقتاعان. بۇل جاڭالىق عالىمدار مەن استروبيولوگتاردىڭ ول عالامشارلاردىڭ جاعدايىن تەكسەرەتىن ءادىس ويلاپ تابۋىنا سەبەپشى بولعان. جالپى العاندا جاپون عالىمدارى كولەمى جانە قۇرىلىمى بويىنشا جەرگە ۇقسايتىن 15 عالامشار انىقتاعان. ولار دا جەر سياقتى ءوز وسىنەن اينالادى، ءبىراق تەمپەراتۋرا، كليماتى بويىنشا جەرگە قاراعاندا ۆەنەراعا كوبىرەك ۇقسايدى.

وسى 15 عالامشاردىڭ ىشىندەگى تورپاق جۇلدىز بەلگىسىندە جانە جەردەن ەكى ءجۇز جىلدىق قاشىقتىقتا ورنالاسقان ك2-155 جۇيەسى ەڭ ەرەكشەسى بولىپ سانالادى. ونىڭ قاسىندا جەرگە ۇقساس ءۇش عالامشار بار جانە ەڭ الىس ورنالاسقان ك2-155d عالامشارى كليمات جانە گيدرولوگيالىق جاعدايى بويىنشا جەرگە وتە ۇقساس.

حيرانونىي ايتۋىنشا، ول عالامشاردى جاقىن بولاشاقتا زەرتتەپ كورۋگە بولادى. وسى جىلدىڭ سوڭىندا NASA وربيتاعا TESS تەلەسكوپىن ۇشىرادى. ول تەلەسكوپ سول عالامشار تۋرالى ەگجەي- تەگجەيلى انىق اقپارات بەرە الادى.

Baq.kz