14:33, 12 - ناۋرىز 2018 | GMT +5
ۇلىقبەك ەسداۋلەت جازۋشىلار وداعىنىڭ ءتوراعاسى بولىپ سايلاندى
الماتى. قازاقپارات - اقىن ۇلىقبەك ەسداۋلەت قازاقستان جازۋشىلار وداعىنىڭ ءتوراعاسى بولدى، دەپ حابارلايدى قازاقپارات ءتىلشىسى.
بۇگىن الماتىدا اباي اتىنداعى وپەرا جانە بالەت تەتارىندا ءوتىپ جاتقان قازاقستان جازۋشىلارىنىڭ 15- قۇرىلتايىندا جاڭا ءتوراعا سايلاندى. جازۋشىلار وداعى مۇشەلەرىنەن ىرىكتەلىپ الىنعان 150 جازۋشى داۋىس بەردى. مىنبەدەن ءسوز سويلەگەن اقىن-جازۋشىلار ۇلىقبەك ەسداۋلەتتىڭ ۇيىمداستىرۋشىلىق قابىلەتىنە توقتالىپ، ونىڭ كانديداتۋراسىنا ءبىراۋىزدان قولداۋ ءبىلدىردى.
«جازۋشىلار وداعىنىڭ مىندەتى جازۋشىعا قولدان كەلگەنشە قولداۋ كورسەتۋ. جازۋشىلار وداعىنىڭ جۇمىسى جاڭا داۋىردە وزگەرۋى كەرەك. وسى جاڭا زامانعا بايلانىستى جوبالار كەرەك. ءبىزدىڭ باقىتىمىزعا وراي «رۋحاني جاڭعىرۋ» باعدارلاماسى جارىققا شىقتى. سونى جۇزەگە اسىرۋعا جازۋشىلار وداعى بارىنشا اتسالىسۋى كەرەك»، - دەدى جازۋشىلار وداعىنىڭ جاڭا ءتوراعاسى ۇلىقبەك ەسداۋلەت.
