لوس- اندجەلەستەگى ساۋدا ورتالىعىندا اتىس بولدى

 استانا. قازاقپارات - لوس- اندجەلەس قالاسىنداعى Glendale Galleria ساۋدا ورتالىعىندا اتىس بولىپ، ىشتەگى ادامدار تۇگەل ەۆاكۋاتسيالاندى، دەپ حابارلايدى Los Angeles Times باسپاسى.

زەرگەرلىك دۇكەندى توناماق بولماق قاراقشىلاردى توقتاتۋ ءۇشىن عيمارات كۇزەتشىسى وق اتقان.

 ساۋدا ورتالىعىنىڭ مەنەدجەرى برەنت گاردنەردىڭ ايتۋىنشا، ءۇش بەلگىسىز ادام دۇكەن ۆيتريناسىن Rolex ساعاتىمەن ۇرىپ سىندىرماق بولعان. وسى مەزەتتە دۇكەن كۇزەتشىسى قارۋدان وق اتۋعا ءماجبۇر بولعان. قارۋدىڭ داۋسى شىققان سوڭ ادامداردىڭ ەسى شىعىپ، ەسىككە لاپ قويعان.

«ساۋدا ورتالىعىنىڭ ءىشى ارانىڭ ۇياسىنداي گۋلەپ كەتتى. ادامدار ءبىر- ءبىرىن تاپتاپ سىرتقى ەسىككە جۇگىردى» ، - دەيدى باسىلىمعا سۇحبات بەرگەن كۋاگەرلەردىڭ ءبىرى.

 اتىستان ەشكىم زارداپ شەككەن جوق. تاپتالىپ قالۋ وقيعاسى دا تىركەلمەگەن. دۇكەن توناۋعا قاتىسقان ءۇش ادامنىڭ بىرەۋى قولعا ءتۇستى.