ماڭعىستاۋ وبلىسىندا تاعى دا بىرنەشە قويدى تاماقتاپ كەتتى

None
None
 استانا. قازاقپارات - ماڭعىستاۋ وبلىسىنداعى سايىن شاپاعاتوۆ اۋىلىنىڭ تۇرعىندارى مالدارىنىڭ ولۋىنە بايلانىستى تاعى شاعىمداندى، دەپ حابارلايدى «قازاقپارات» ح ا ا Lada.kz كە سىلتەمە جاساپ.

10 - ناۋرىزعا قاراعان ءتۇنى اۋىلدا مالعا تاعى شابۋىل جاسالعان.

 سايىن شاپاعاتوۆ اۋىلىنىڭ تۇرعىنى ساعىنعاليدىڭ ايتۋىنشا، ءبىر ءتۇننىڭ ىشىندە جەتى قوي مەن قوزىنى تاماقتاپ كەتكەن.

«تاڭەرتەڭ ولار شالاجانسار ەدى. پوليسيانى، جەرگىلىكتى اكىمدىك قىزمەتكەرلەرىن، مال دارىگەرىن شاقىردىق. كەلدى، كوردى دە قايتىپ كەتتى. ساراپتاما جاسالعانشا ولەكسەلەرگە تيىسپەۋدى سۇرادى. باسقا تۇك تە ەمەس، قاڭعىباس يتتەردىڭ تاعى دا شابۋىل جاساعانىنىڭ سالدارى بۇل» ، - دەيدى ساعىنعالي.

سايىن شاپاعاتوۆ اۋىلى اكىمىنىڭ مىندەتىن اتقارۋشى جانىبەك ەركەبۇلان بۇل كەلەڭسىز وقيعا جايلى كەيىنىرەك ايتىپ بەرۋگە ۋادە ەتتى.

ەسكە سالا كەتسەك، بۇدان بۇرىن قاڭعىباس يتتەر وسى اۋىلدىڭ بىرنەشە قويىن تاماقتاپ كەتكەن ەدى. بيلىك 35 ءيتتى اتىپ ءولتىردى.

سوڭعى جاڭالىقتار