استانادا اۋعانستان ايەلدەرىنە ارنالعان كونفەرەنسيا وتەدى

None
None
استانا. قازاقپارات - ق ر سىرتقى ىستەر مينيسترلىگىنىڭ اۋعانستان بويىنشا ارنايى وكىلى، ەرەكشە تاپسىرمالار جونىندەگى ەلشى ستانيسلاۆ ۆاسيلەنكو باستاعان قازاقستان دەلەگاتسياسى ب ۇ ۇ قاۋىپسىزدىك كەڭەسىنىڭ اۋعانستان ماسەلەلەرى تۋرالى وتىرىسىنا قاتىستى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

قاۋىپسىزدىك كەڭەسىنىڭ مۇشەلەرى اۋعانستاعى جاعدايعا باعا بەرەتىن جانە بۇل ەلگە كومەكتەسۋ بويىنشا ب ۇ ۇ وكىلدىگىنىڭ مانداتىن تاعى ءبىر جىلعا ۇزارتاتىن 2405 قارارىن قابىلدادى.

وتىرىسقا قاتىسۋشىلار 2018 -جىلدىڭ قاڭتار ايىندا ب ۇ ۇ قاۋىپسىزدىك كەڭەسى مۇشەلەرىنىڭ قازاقستان توراعالىعىمەن اۋعانستانعا ساپارىن جوعارى باعالادى، بۇل ساپار ەلدەگى جاعدايعا تەرەڭىرەك ۇڭىلۋگە مۇمكىندىك بەرگەن.

ودان بولەك، 19 -قاڭتار كۇنى ب ۇ ۇ ق ك قازاقستاننىڭ جەتەكشىلىگىمەن ۇيىمداستىرىلعان «قاۋىپسىزدىك پەن دامۋدىڭ ءوزارا تاۋەلدىلىك ۇلگىسى رەتىندە اۋعانستان مەن ورتالىق ازيادا ايماقتىق سەرىكتەستىك قۇرۋ» كەزدەسۋىنىڭ دە ماڭىزدى ءارى ءتيىمدى بولعانى اتالىپ ءوتتى.

ءوز سوزىندە س. ۆاسيلەنكو اۋعانستان تاپ بولىپ وتىرعان ساياسي جانە ەكونوميكالىق ماسەلەلەر، قاۋىپسىزدىككە تونگەن قاتەر ءوڭىر ەلدەرىنىڭ، حالىقارالىق قاۋىمداستىقتىڭ جانە قاۋىپسىزدىك كەڭەسىنىڭ تۇراقتى قولداۋىن تالاپ ەتەدى.

ەلدەگى شيەلەنىستەردى شەشۋدە جاستارمەن قاتار ايەلدەردىڭ دە ماڭىزدى ءرول وينايتىنىن جەتكىزدى. وسىعان قاتىستى، 2018 -جىلدىڭ كۇزىندە استانادا «اۋعانستانداعى ايەلدەر ءۇشىن مۇمكىندىكتەردى كەڭەيتۋ» حالىقارالىق كونفەرەنسياسىن ۇيىمداستىرۋ جوسپارلانۋدا.

«ءبىزدىڭ ەلىمىز ەۋروپالىق وداق پەن وزگە سەرىكتەستەردىڭ ورتاق قارجىلاندىرۋىمەن اۋعان ازاماتتارىنا ءبىلىم بەرۋ باعدارلاماسىن جالعاستىرۋ باستاماسىن كوتەردى. بىزدەگى قۇنى 50 ميلليون دوللار بولاتىن ءبىلىم بەرۋ باعدارلاماسى اياسىندا 2010-2021 -جىلدارى قازاقستان ج و و- لارىندا مىڭعا جۋىق اۋعانستان ازاماتتارى ءبىلىم الادى»، - دەدى س. ۆاسيلەنكو.

قازىرگى ۋاقىتتا ەۋروپالىق وداق ب ۇ ۇ «UN Women» ۇيىمىمەن بىرلەسە جۇزەگە اسىراتىن، ەلىمىزدە اۋعان قىزدارىن وقىتۋعا باعىتتالعان ورتاق جوبانىڭ العاشقى كەزەڭىن قارجىلاندىرۋعا كىرىسكەن.

سوڭعى جاڭالىقتار