رەجيسسەر اقان ساتايەۆ بالا توميريس رولىنە جۇرگىزىلگەن بايقاۋ تۋرالى ايتتى - فوتو

استانا. قازاقپارات - «توميريس» تاريحي دراماسىنىڭ رەجيسسەرى اقان ساتايەۆ تۇمار حانشايىمنىڭ بالا كۇنگى جانە جاس كەزىندەگى رولىنە جۇرگىزىلگەن كاستينگ تۋرالى ايتىپ بەردى.

«دوستار، بۇگىن ءبىزدىڭ «توميريس» اتتى كينوتۋىندىمىزدىڭ ءتۇسىرىلىم الاڭىندا جۋرناليستەر بولدى. ارينە، ءسوز اراسىندا ولارعا كاستينگ تۋرالى ايتىپ بەردىك. توميريستىڭ 15 جاستاعى كەزىن سالتانات سەركەبايەۆا، ال 10 جاسىن ليا فومينا سومدايدى. 3 جانە 5 جاستاعى كەيىپكەرلەردى ءالى قاراستىرىپ جاتىرمىز. تاعى ءبىر مارتە كاستينگكە قاتىسقان بارلىق ۇمىتكەرلەرگە العىسىمىزدى ايتامىز»، - دەپ جازدى اقان ساتايەۆ Instagram-داعى پاراقشاسىندا.

رەجيسسەر بالا توميريستىڭ رولىنە 3 تەن 10 جاس ارالىعىنداعى قىزداردى ىزدەپ جاتقانى حابارلانعان بولاتىن.

بۇعان دەيىن اقان ساتايەۆ «توميريس» فيلمىندە باستى ءرولدى سومدايتىن اكتريسانى تانىستىرعان ەدى. ۇمىتكەردى الەۋمەتتىك جەلىدە تاۋىپ الىپ، باعىن سىناپ كورۋگە شاقىرعان ەكەن. 28 جاستاعى ءالميرا تۇرسىن ءۇشىن بۇل العاشقى فيلم بولماق.