اقتوبەلىك ەرىكتىلەر ءىز-ءتۇزسىز جوعالىپ كەتكەن ستۋدەنتتى ءيىسشىل يتپەن ىزدەستىرىپ جاتىر

None
None
اقتوبە. قازاقپارات - اقتوبە وبلىسىنىڭ ويىل اۋدانىندا ءبىلىم الىپ جۇرگەن ەربول ءابدىعالي 20 كۇن بۇرىن جوعالىپ كەتتى.

ەرىكتىلەر دالا مەن قاڭىراپ تۇرعان عيماراتتاردى، باۋ-باقشا ۇجىمدارىن ارالاپ ءجۇر، دەپ حابارلايدى قازاقپارات ءتىلشىسى.

ەربول ءابدىعالي ءبىر ايدان سوڭ 18 جاسقا تولادى. ول اقتوبە قالاسىندا تۋىستارىنىڭ ۇيىندە تۇرعان، كەيىن ويىل اۋدانىنداعى وقۋ ورنىنا قايتا ورالماق بولعان. ءبىراق سول كۇنى حابارسىز كەتىپ، بىرنەشە كۇننەن سوڭ تۋىستارى پوليتسيا بولىمىنە ارىز تۇسىرەدى. ىزدەۋ جۇمىستارى جۇرگىزىلىپ جاتقانىمەن، ەش ناتيجە جوق. قازىرگى كەزدە اقتوبەلىك ەرىكتىلەر ءيىسشىل ءيتتىڭ كومەگىمەن باۋ- باقشا ۇجىمىن، قاڭىراپ تۇرعان عيمارات ءىشى مەن دالالى جەرلەردە ىزدەۋ جۇمىستارىن جالعاستىردى.

«ەربولدان ەش حابار جوق. ول اۋىلعا باراتىن تاسكيگە مىنبەگەن. ءبىزدىڭ ويىمىزشا، ول اقتوبە قالاسىندا بولۋى مۇمكىن. سەبەبى، اۆتوۆوكزال، تەمىرجول ۆوكزالى مەن تاكسي قىزمەتىنەن سۇراستىرعان بولاتىنبىز. ول بيلەت الماعان. ءبىز قالا ىشىندەگى كوپقاباتتى ۇيلەردىڭ جەرتولەسىن دە قاراپ شىقتىق»، - دەدى ەرىكتى باقىتعالي ورازعاليەۆ.

ەسكە سالساق، ەربول ءابدىعالي 17 -اقپان كۇنى جوعالدى. سودان بەرى ونى كورگەن ەشكىم جوق.

سوڭعى جاڭالىقتار