قىتاي سىرتقى ىستەر ءمينيسترى «ءبىر بەلدەۋ، ءبىر جول» باستاماسىنىڭ التىن ەرەجەسىن ايتىپ بەردى

None
None
استانا. قازاقپارات - قىتاي تاراپى ۇسىنعان «ءبىر بەلدەۋ، ءبىر جول» باستاماسى اياسىنداعى ىنتىماقتاستىق ايقىن، اشىق ءارى جالپىعا قولجەتىمدى.

بۇل تۋرالى ق ح ر سىرتقى ىستەر ءمينيسترى ۋاڭ ي ايتتى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى سادىق اكەجانوۆ.

«ءبىر بەلدەۋ، ءبىر جول» باستاماسىن ودان ارى دامىتۋدى قولداۋ ءۇشىن بىرلەسكەن كونسۋلتاتسيالار، بىرلەسكەن قۇرىلىس پەن بىرىگىپ پايدالانۋ « التىن ەرەجە» سانالادى. بۇل ەرەجەلەر باستاما اياسىنداعى ىنتىماقتاستىقتىڭ تەڭقۇقىلى، اشىق جانە جالپىعا قولجەتىمدى سيپاتىن ايقىنداپ بەردى. بۇل جوبالاۋدان باستاپ جوبالاردى جۇزەگە اسىرۋعا دەيىنگى ىنتىماقتاستىقتىڭ بارلىق پروتسەسىندە باستاماعا قاتىسۋشىلار بىرلەسكەن كونسۋلتاتسيالار نەگىزىندە جۇمىس ىستەيدى دەگەندى بىلدىرەدى. بارلىق قاتىسۋشىلاردىڭ قۇقىعى بىردەي، كولەڭكەلى وپەراتسيالارعا ورىن جوق، بارلىعى دا اشىق ءارى ايقىن جۇرەدى، وزگەگە زيان كەلتىرە وتىرىپ، ءبىر تاراپتىڭ ۇتىسقا شىعۋىنا جول بەرىلمەيدى. بارلىعى دا ءوزارا تيىمدىلىك پەن جالپىعا ورتاق پايدا قاعيداتىن باسشىلىققا الادى»، - دەدى ول باسپا ءسوز كونفەرەنسياسى بارىسىندا «قازاقپارات» حالىقارالىق اقپارات اگەنتتىگى ءتىلشىسىنىڭ الداعى جىلدا «ءبىر بەلدەۋ، ءبىر جول» ستراتەگياسىنىڭ كەلەشەگىنە قاتىستى ساۋالىنا جاۋاپ بەرە كەلە.



سونىمەن قاتار، ول «ءبىر بەلدەۋ، ءبىر جول» باستاماسىن جۇزەگە اسىرۋ بارىسىندا حالىقارالىق ەرەجەلەر مەن نارىقتىق ۇستانىمدار ساقتالاتىندىعىن باسا ايتتى.

«وتكەن جىلى «ءبىر بەلدەۋ، ءبىر جول» اياسىنداعى حالىقارالىق ىنتىماقتاستىق بويىنشا جوعارى دەڭگەيدەگى فورۋمدا جاريالانعان بىرلەسكەن كومميۋنيكەدە جاريا ۋاعدالاستىق بولدى. وندا ىنتىماقتاستىقتىڭ تۇراقتى دامۋىن قامتاماسىز ەتۋ ءۇشىن ەكونوميكا، قوعام، قارجى جانە قورشاعان ورتا اراسىنداعى قارىم- قاتىناستى رەتتەۋگە ايرىقشا نازار اۋدارىلعان»، - دەدى ق ح ر سىرتقى ىستەر ءمينيسترى.

null

سوڭعى جاڭالىقتار