قىتايدا وتەتىن ش ى ۇ ءسامميتىنىڭ ءۇش نەگىزگى ماقساتى ايقىندالدى
بۇل تۋرالى ك ح ر سىرتقى ىستەر ءمينيسترى ۆان ي ايتتى، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
«بۇل ۇيىمنىڭ كەڭەيۋىنەن كەيىنگى بولىپ تۇرعان العاشقى سامميت. ءبىز ش ى ۇ مۇشەلەرىمەن سامميتتە ءۇش نەگىزگى ماقساتقا قول جەتكىزۋ ءۇشىن جۇمىس ىستەۋگە دايىنبىز. ءبىرىنشىسى - ءبىرتۇتاستىقتى نىعايتۋ. شاڭحاي ىنتىماقتاستىق ۇيىمى مۇشەلەرىمەن بىرگە ءبىز «شاڭحاي رۋحىنىڭ» بيىك تۇعىرىن جوعارى دەڭگەيدە ۇستايمىز، مۇشەلەر اراسىنداعى ءوزارا سەنىم مەن بىرلىكتى نىعايتامىز جانە تاعدىرى ءبىر قوعام قۇرامىز»، - دەدى ول 8- ناۋرىزدا وتكەن جيىندا.
ونىڭ ايتۋىنشا، تسينداوداعى ش ى ۇ سامميتىنىڭ ەكىنشى ماقساتى ۇيىمنىڭ جۇمىسىنىڭ تيىمدىلىگىن ارتتىرۋ بولىپ تابىلادى.
ۆان ي سامميتتىڭ ءۇشىنشى ماقساتى ش ى ۇ- نىڭ حالىقارالىق ارەناداعى ىقپالىن ارتتىرۋ ەكەندىگىن ايتتى.
«ايماقتاعى، ءتىپتى الەمدە ش ى ۇ- عا مۇشە مەملەكەتتەرمەن بىرلەسە وتىرىپ، بەيبىتشىلىك پەن تۇراقتىلىقتى ساقتاۋ ءۇشىن حالىقارالىق قوعامداستىقتىڭ كۇتكەنىنە وڭ باعاسىن بەرەمىز، نەگىزگى حالىقارالىق جانە ايماقتىق ماسەلەلەر بويىنشا داۋىس بەرۋدى كۇشەيتەمىز جانە ايماقتىق ىنتىماقتاستىق پەن جاھاندىق ەكونوميكالىق باسقارۋدا ودان دا بەلسەندى ءرول اتقارامىز. جالپى العاندا، سامميت ش ى ۇ تاريحىنداعى جاڭا كەزەڭ بولادى»، - دەدى ق ح ر سىرتقى ىستەر ءمينيسترى.
ەسكە سالا كەتەيىك، قازاقستان قىتايدىڭ تسينداو قالاسىندا وتەتىن ش ى ۇ سامميتىنە بەلەسەنى تۇردە دايىندالىپ جاتىر.
