اسەت يسەكەشەۆ: ايەل قۋانىشى - ورتاق وتانىمىزدىڭ مەرەيى
«ارداقتى انالار! اياۋلى اپا-قارىنداستار!
سىزدەردى 8- ناۋرىز - ايەلدەردىڭ حالىقارالىق مەرەكەسىمەن شىن جۇرەكتەن قۇتتىقتايمىن!
كوكتەم گۇلىمەن، وتباسى انا نۇرىمەن كوركەم. اق پەيىلىمەن اجارلانىپ، كوڭىل كوركىمەن كورىكتەنگەن اسىل انالارىمىزدىڭ مەرەكەسىن ەل-جۇرت ەرەكشە قۋانىشپەن قارسى الادى. ويتكەنى ايەل قۋانىشى - ءار ءۇيدىڭ، وتباسىنىڭ، ءتىپتى ورتاق وتانىمىزدىڭ مەرەيى» دەلىنگەن قۇتتىقتاۋدا.
سونداي-اق، اكىم ايەل-انا بارلىق قيىندىقتى جەڭەتىن سارقىلمايتىن كۇش، تىرلىكتىڭ قاينار بۇلاعى ەكەندىگىن اتاپ ءوتتى.
«بۇگىندە قازاق قىزدارى قوعامنىڭ بارلىق سالاسىنا دا ەركىن ارالاسىپ، تاماشا تابىستارعا قول جەتكىزىپ كەلەدى. بۇل ءبىز ءۇشىن، ەرلەر قاۋىمى ءۇشىن ۇلكەن ماقتانىش، بيىك مارتەبە. وزدەرىڭىزدەي ومىردە - نازىك، كوڭىلدە - بيىك، ال ىستە - مىعىم انالارىمىز امان بولسىن!
راحمەت سىزدەرگە، استانا قالاسىنىڭ ايەلدەر قاۋىمى جۇرەكتەرىڭىز ءاردايىم جىلۋلىققا، بويلارىڭىز سۇلۋلىققا تولى بولسىن. سىزدەرگە، زور دەنساۋلىق، اياۋلى انا باقىتىن تىلەيمىن!» دەپ ءتۇيدى ءسوزىن قالا باسشىسى.
