گەننادي گولوۆكين: كانەللونىڭ قانىنان دوپينگ ىزدەرىنىڭ تابىلۋى ۇلكەن ماسەلە

استانا. قازاقپارات - گەننادي گولوۆكين كانەللونىڭ قانىنان دوپينگ ىزدەرىنىڭ تابىلۋى ۇلكەن ماسەلە دەپ سانايدى.

قازاقستاندىق بوكسشى نەۆاداداعى سپورت كوميسسياسى مۇشەلەرىن بۇل ماسەلەگە تيىسىنشە نازار اۋدارىپ، قاجەتتى شارالار قولدانۋعا شاقىردى.

«ەكەۋمىز دە كاسىپقوي بوكسشىمىز. بۇل (دوپينگ) سپورت ءۇشىن دە ءبىز ءۇشىن دە ۇلكەن پروبلەما. وسىعان كوڭىلىم تولمايدى»، - دەدى گولوۆكين Los Angeles Times - Hoy Deportes بولىمىنە بەرگەن سۇحباتىندا.

بۇل وقيعاعا قاتىستى گولوۆكين مەن الۆارەستىڭ 5 -مامىرداعى جەكپە-جەگى توقتاتىلماۋى مۇمكىن. الۆارەس تاراپى تىيىم سالىنعان پرەپاراتتىڭ بوكسشى جەگەن ەتتەن كەلگەنىن ايتىپ اقتالىپ وتىر.

الۆارەستىڭ مۇددەسىن قورعايتىن Golden Boy پروموۋتەرلىك كومپانياسى بوكسشىدان الىنعان دوپينگ سىنامالاردىڭ بىرىنەن تىيىم سالىنعان پرەپارات - كلەنبۋتەرول تابىلعانى تۋرالى اقپاراتتى راستاپ وتىر. بۇل مالىمەتتى شەتەلدىك اقپارات قۇرالدارى تاراتتى.

 

فوتو: Wally Skalij / Los Angeles Times