استانا اكىمى كوپبالالى انالاردى ماراپاتتادى
بۇگىن استانا قالاسى اكىمدىگىندە حالىقارالىق ايەلدەر كۇنى مەرەكەسىنە وراي سالتاناتتى جيىن ءوتتى. مەرەكەلىك شاراعا 200 دەن استام قىز-كەلىنشەك قاتىستى. اسەت يسەكەشەۆ قىزداردى كوكتەم مەرەكەسىمەن قۇتتىقتاپ، ەڭبەكتە تابىس تىلەدى. مەرەكەلىك شاراعا كەلگەن قىز-كەلىنشەكتەرگە قىزعالداق گۇلىن سىيلادى.
«سىزدەردىڭ مەرەكەلەرىڭىز كوكتەمگى شۋاقپەن ادامزاتقا جىلىلىق اكەلۋدە. ءبىزدىڭ ۇلت قاشاندا انانى ارداقتاپ، قۇرمەتتەگەن. انا وتباسىنىڭ جىلۋى، ۇيىتقىسى. سىزدەر انالىق پارىزبەن قاتار ءبىزدىڭ قوعامنىڭ دامۋىنا دا ەلەۋلى ۇلەس قوسۋداسىزدار. قىمباتتى انالار، قىزدار، سىزدەردىڭ كىشىپەيىلدىلىك، دانالىق، تۇسىنىستىك پەن قولداۋلارىڭىزعا راحمەت»، - دەدى اكىم.
سونداي-اق، استانا قالاسىنىڭ اكىمى اسەت يسەكەشەۆ ەلىمىزدە نۇرسۇلتان نازاربايەۆتىڭ قولداۋىنىڭ ارقاسىندا گەندەرلىك ساياساتقا، انا مەن بالانى قورعاۋعا باسىم كوڭىل ءبولىنىپ جاتقانىن اتاپ ءوتتى. كەزدەسۋ سوڭىندا 10 كوپبالالى انا «كۇمىس القا»، ەكى انا «التىن القامەن» ماراپاتتالدى.
