قازاقستان الەمدەگى ەڭ ءىرى كورمەدە تۋريستىك الەۋەتىن پاش ەتتى

None
None
  استانا. قازاقپارات - قازاقستان «ITB Berlin 2018» اتتى ەڭ ءىرى حالىقارالىق تۋريستىك كورمەسىنە قاتىسۋدا، دەپ حابارلايدى «قازاقپارات» ح ا ا ءتىلشىسى «Kazakh Tourism» ۇ ك» اق باسپا ءسوز قىزمەتىنە سىلتەمە جاساپ.

ۇلتتىق كومپانيانىڭ باسپا ءسوز قىزمەتىنىڭ حابارلاۋىنشا، جاھاندىق بيزنەس الاڭىنا اينالعان كورمەنى 160 مىڭ ادام تاماشالايدى. سونداي- اق، 180 مەملەكەتتەن تاعى 10 مىڭنان استام مەيمان قاتىسادى دەپ كۇتىلۋدە. بۇل - وسى ءىس- شارانىڭ وتكىزىلۋ تاريحىندا (51 جىل) رەكورد بولىپ تابىلادى.

null

«6- ناۋرىز كۇنى گەرمانيا كانسلەرى انگەلا مەركەل مەن دۇنيەجۇزىلىك تۋريستىك ۇيىمنىڭ (يۋنۆتو) باس حاتشىسى زۋراب پولوليكاشۆيليدىڭ قاتىسۋىمەن كورمەنىڭ اشىلۋ سالتاناتى ءوتتى. قازاقستان ستەندىنىڭ نەگىزگى كونتسەپتسياسى رەتىندە ەلىمىزدىڭ ەتنيكاسى جانە مادەنيەتى الىنعان. ال ستەندتىڭ ورتالىق ەلەمەنتى - تولىق جابدىقتالعان ناعىز كيىز ۇيدە جەنت دايىنداۋدان، قازاق ۇلتتىق مۋزىكالىق اسپابى سازسىرناي جاساۋدان، كيىز ءۇي تۇرعىزۋدان شەبەرلىك سىنىپتارى وتكىزىلىپ، ۇلتتىق مۋزىكا مەن بيلەر كورەرمەنگە تانىستىرىلىپ جاتىر» ، - دەپ حابارلايدى كومپانيانىڭ باسپا ءسوز قىزمەتىنەن.

بيزنەس الاڭى 5 كۇن بويى قازاق مادەنيەتى مەن سالت- ءداستۇرىن پاش ەتەتىن ساحنا رەتىندە پايدالانىلماق. ستەندكە كەلۋشىلەر جاۋىنگەر كيىمىندەگى «ارلان» تەاترى باتىرلارىمەن سۋرەتكە ءتۇسىپ، ولارمەن قول كۇرەستىرە الادى.



«سونداي- اق، پاۆيلوندا ۇستەلدە وينالاتىن اسىق ويىنى تۇرلەرى ءۇشىن كىشى الاڭ بولىنگەن، بۇل جەردە قوناقتارعا اسىق ويناۋ ۇيرەتىلەتىن بولادى. ەڭ بەلسەندى ويىنشىلارعا اسىق جيىنتىقتارى سىيعا تارتىلادى.

«Kazakh Tourism» ۇ ك» ا ق باسقارما ءتوراعاسىنىڭ ورىنباسارى ق. ءسادۋاقاسوۆ باستاعان قازاقستان دەلەگاتسياسىنىڭ قۇرامىندا تۋريستىك كومپانيالاردىڭ، قوناق ۇيلەردىڭ جانە وڭىرلىك تۋريزم باسقارمالارىنىڭ 40 تان استام وكىلى بار. قاتىسۋشىلاردىڭ مۇنداي رەكوردتى سانى بۇرىن- سوڭدى ەشبىر كورمەدە بولماعان ەدى» ، - دەلىنگەن حابارلامادا.

قازاقستان ITB كورمەسىنە جىل سايىن قاتىسادى. بيىل ITB- دەگى قازاقستاننىڭ ۇلتتىق ستەندىنىڭ ۇيىمداستىرۋشىسى «Kazakh Tourism» ۇ ك» ا ق تۋريستىك كورمەلەرگە قاتىسۋدىڭ جاڭا فورماتىن ۇسىنىپ وتىر.

بەرليندەگى كورمەدەن باسقا، بۇل جىلى ۇلتتىق كومپانيا قىتاي، گونكونگ، وڭتۇستىك كورەيا، پولشا جانە باسقا مەملەكەتتەردەگى كورمەلەرگە قاتىسۋدى جوسپارلاپ وتىر.

سوڭعى جاڭالىقتار