مەرەكە كۇندەرى قازاقستاندا اۋا رايى قانداي بولماق
«قازاقستاندا مەرەكە جانە دەمالىس كۇندەرى اۋا رايى قۇبىلمالى بولۋى ىقتيمال. كاسپي تەڭىزىنىڭ وڭتۇستىك بولىگىنەن سيكلون كەلەدى، سوعان بايلانىستى رەسپۋبليكانىڭ وڭتۇستىك، وڭتۇستىك- شىعىس جانە شىعىس وڭىرلەرىندە جاۋىن- شاشىن ءتۇسىپ، قاتتى جەل تۇرۋى مۇمكىن، كەي جەرلەردە جەلدىڭ ەكپىنى 15-20 م/س- كە دەيىن كۇشەيىپ، تەمپەراتۋرا جوعارىلايدى»، - دەلىنگەن حابارلامادا.
قازاقستاننىڭ وڭتۇستىگىندە جانە وڭتۇستىك- شىعىسىندا كۇندىزگى اۋا تەمپەراتۋراسى 8-13 تەن 15-20 عا دەيىن، كەي جەرلەردە 25 گرادۋسقا دەيىن كوتەرىلەدى، شىعىستا 3-8 گرادۋس جىلى بولادى.
قازاقستاننىڭ باتىس، سولتۇستىك جانە ورتالىق وبلىستارىنا باتىس سىبىردەن سۋىق جانە ىلعالدى اۋا ماسسالارى كەلە باستايدى. وسىعان بايلانىستى قار مەن جاڭبىر جاۋىپ، بوران، كوكتايعاق بولادى، جىلدامدىعى 15-23 م/س بولاتىن جەل تۇرادى جانە كۇن سۋىتۋى ىقتيمال.