پرەزيدەنتتىڭ ءىرى باستامالارى ساپالى زاڭدارمەن قامتاماسىز ەتىلەدى - نۇرلان نىعماتۋلين

None
None
استانا. قازاقپارات - پارلامەنت دەپۋتاتتارى «پرەزيدەنتتىڭ بەس الەۋمەتتىك باستاماسىن» جۇزەگە اسىرۋ ءۇشىن ساپالى زاڭدارمەن قامتاماسىز ەتۋ كەرەك. بۇل تۋرالى ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين ءمالىم ەتتى، دەپ حابارلايدى قازاقپارات.

«وسىدان ەكى كۇن بۇرىن بارشامىز ەلباسىنىڭ تاريحي ۇندەۋىنە كۋا بولدىق. سوندا ايتىلعان الەۋمەتتىك باستامالار حالقىمىزدىڭ كەڭىنەن قولداۋىنا يە بولدى. سەبەبى ول باستامالار ءاربىر ازاماتقا، وتباسىنا بۇرىن بولماعان ەرەكشە مۇمكىندىكتەر جاساپ وتىر. سونىمەن بىرگە دە ەلىمىزدىڭ دامۋىنا دا جاڭا سەرپىن بەرەدى. سوندىقتان ءبىزدىڭ بارشا دەپۋتاتتاردىڭ ەندىگى نەگىزگى مىندەتى - پرەزيدەنتىمىزدىڭ وسى ءىرى باستامالارىن ءوز ۋاقىتىندا ءارى جەدەل ساپالى زاڭدارمەن قامتاماسىز ەتۋ»، - دەپ اتاپ ءوتتى ن. نىعماتۋلين ءماجىلىستىڭ جالپى وتىرىسىندا.

ەستەرىڭىزگە سالا كەتەيىك، پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازاربايەۆ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىن جاريا ەتتى.

سوڭعى جاڭالىقتار