قىتايلىق ينۆەستورلار قاراعاندىدا ەكى زاۋىت سالماقشى

None
None
استانا. قازاقپارات - 2018 - جانە 2021 -جىلدارى شەتەلدىك سەرىكتەستەر قاراعاندىدا ەكى بىردەي زاۋىتتىڭ قۇرىلىسىن باستاماق. جوبالاردىڭ جالپى قۇنى 21 ميلليارد تەڭگەنى قۇرايدى.

2018 -جىلدىڭ اياعىندا قىتاي ەلىنىڭ «Forever Fourshing Co.Ltd.» ج ش س كومپانياسى قاراعاندىدا مەتالل قورىتۋ زاۋىتىنىڭ قۇرىلىسىن باستاماق. ينۆەستيتسيا كولەمى 7,4 ميلليارد تەڭگەنى قۇرايدى. زاۋىت جىلىنا ءۇش ءجۇز مىڭ توننا كولەمىندە ءونىم شىعارادى دەپ جوسپارلانعان، ونىڭ سەكسەن پايىزى وزگە ەلدەرگە ەكسپورتتالماق. زاۋىت ءونىمى رەسەي، يران ەلدەرىمەن قاتار، قىتاي حالىق رەسپۋبليكاسىنا جىبەرىلەدى.

«ينۆەستورلاردى تارتۋ بيلىك باسىنداعىلاردىڭ جۇمىسىنا باعا بەرۋدە ماڭىزدى كريتەريلەردىڭ ءبىرى. 2017 -جىلى ايماقتىڭ ەكونوميكاسىنا 359 ميلليارد تەڭگە ينۆەستيتسيا قۇيىلدى. بۇل الداعى جىلمەن سالىستىرعاندا ون پايىزعا جوعارى. ال بيىلعى جىلى ينۆەستيتسيا كولەمى قاراعاندى وبلىسى بويىنشا 389 ميلليارد تەڭگەگە جەتەدى دەپ جوسپارلاپ وتىرمىز» ، - دەيدى قاراعاندى وبلىسىنىڭ اكىمى ەرلان قوشانوۆ.

كابەلدىك ءونىم شىعاراتىن ەكىنشى زاۋىت 2021 -جىلى جۇمىسىن باستاپ، 2024 -جىلى جوبالىق قۋاتتىلىعىنا تولىقتاي وتەدى دەپ جوسپارلانۋدا. زاۋىت كابەلدىڭ ءارتۇرلى تۇرلەرىن ءوندىرىپ، ساتىلىمعا شىعارادى. «حۋا تۋن (سەنترالنايا ازيا) كابەل» ج ش س ينۆەستورلارى قاراعاندىداعى زاۋىتتىڭ قۇرىلىسىنا 13,6 ميلليارد تەڭگە قارجى جۇمسايدى دەپ مەجەلەنگەن.

«قازىرگى ۋاقىتتا قازاقستانداعى كابەلدىك ءونىم نارىعى ايتارلىقتاي دەڭگەيدە شەتەلدىك دايىن ونىمدەرگە تاۋەلدى. ونىڭ ىشىندە رەسەي ەلىنەن تاپسىرىس جوعارى. جالپى العاندا ەلدەگى كابەلدى ونىمگە سۇرانىس جىلىنا 400-500 ميلليون ا ق ش دوللارىن قۇرايدى. ساراپتامالار قورىتىندىسى ەلىمىزدە شاحتا كابەلى مەن قۋاتتى كابەلگە سۇرانىستىڭ جوعارى ەكەنىن انىقتادى» ، - دەيدى «Forever Fourshing Co. Ltd.»  ج ش س ديرەكتورىنىڭ ورىنباسارى اسقار ورازبەكوۆ.

جوعارىدا اتالعان ينۆەستورلاردان بولەك بيىلعى جىلى بىرنەشە كومپانيامەن بىرلەسىپ جۇمىس جاساۋ جوسپارلانۋدا. سونداي- اق، قۋاتتى شەتەلدىك ينۆەستورلارمەن سەرىكتەستىك اياسى كەڭەيتىلۋدە.

«شۆەيتساريالىق «گلەنكور ينتەرنەشل» كومپانياسى جايرەم قالاسىندا زاماناۋي بايىتۋ فابريكاسىنىڭ قۇرىلىسىن باستادى. ونىڭ جالپى قۇنى 100 ميلليارد تەڭگە. بەلگيالىق كورپوراتسيامەن بىرلەسە وتىرىپ «كارمەۋس گرۋپ» كومپانياسى وساكاروۆ اۋدانىندا اكتاس وندىرەتىن زاۋىت سالۋدى جوسپارلاۋدا. قازىرگى ۋاقىتتا زاۋىت قۇرىلىسىنىڭ جوباسى جاسالىپ جاتىر. جالپى العاندا ءبىز شەتەلدىك ينۆەستورلارمەن بىرگە 20 بەلسەندى جوبانى ىسكە اسىرماقپىز، ولاردىڭ قۇنى شامامەن 1 ميلليارد ا ق ش دوللارىن قۇرايدى» ، - دەدى ايماق باسشىسى.

Baq.kz

سوڭعى جاڭالىقتار