قىتايلىق كاسىپكەرلەر ەكىباستۇزداعى كومىردى زەرتتەيدى

ەكىباستۇز. قازاقپارات - قىتايدىڭ حىجيڭ قالاسىنىڭ اكىمشىلىگى ەكىباستۇزداعى كومىردى زەرتتەۋگە بەل بۋدى، دەپ حابارلايدى «قازاقپارات» ح ا ا ءتىلشىسى.

بۇگىن ەكىباستۇزعا بىلتىر باۋىرلاس قالا بولعان قىتايدىڭ حىجيڭ قالاسىنان دەلەگاتسيا كەلدى. سول كەزدە ەكى قالا اراسىنداعى جان-جاقتى ىنتىماقتاستىق تۋرالى مەموراندۋمعا قول قويىلعان ەدى. انىقتالعانداي، ەكىباستۇزداعى كومىر وسى وتىن ءتۇرىن قايتا وڭدەۋمەن اينالىساتىن «يانگۋان» كورپوراتسياسىنىڭ قىزىعۋشىلىعىن تۋدىرعان.

«10 ميلليون توننا كومىردەن 5 ميلليون توننا كوكس الۋعا بولادى. كومىر شينا وندىرۋگە، اەروعارىشتىق ونىمدەر ءوندىرۋ ءۇشىن قولدانىلادى»، - دەپ اتاپ ءوتتى حىجيڭ قالاسى مەرىنىڭ ورىنباسارى حە حونگلينگ.

قىتايدان كەلگەن دەلەگاتسيا كومىر رازرەزدەرى مەن باسقا دا كاسىپورىنداردى ارالادى.

سونداي-اق، قالالىق اكىمدىكتە ەكىباستۇز اكىمى قايرات نۇكەنوۆپەن كەزدەسۋ ءوتىپ، ەكى قالانىڭ باسشىلارى ساۋدا، ەكونوميكا، مادەنيەت جانە سپورت سالالارىنداعى ءوزارا ارەكەتتەستىك تۋرالى كەلىسىم جاساعان.