17:28, 06 - ناۋرىز 2018 | GMT +6
قاسىم-جومارت توقايەۆ: كورەگەن باسشى ەلدى وسىرەدى
استانا. قازاقپارات - ەلباسى جولداۋى - حالقىمىزدىڭ قاجەتتىلىگىن قاناعاتتاندىراتىن تاريحي قۇجات. مەملەكەت باسشىسىنىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىنە بايلانىستى پارلامەنت سەناتىنىڭ سپيكەرى قاسىم-جومارت توقايەۆ وسىنداي پىكىر ءبىلدىردى، دەپ حابارلايدى قازاقپارات.
«ەلباسىنىڭ باستى الەۋمەتتىك ماسەلەلەر جونىندەگى جولداۋىن تالقىلاعان كەزدە «كورەگەن باسشى ەلدى وسىرەدى» دەگەن حالىقتىڭ دانا ءسوزى ەرىكسىز ەسكە ورالادى. بۇل جولداۋ راسىندا حالقىمىزدىڭ قاجەتتىلىگىن قاناعاتتاندىراتىن تاريحي قۇجات» دەپ جازادى سەنات ءتوراعاسى تۆيتتەردە.
بۇعان دەيىن قاسىم-جومارت توقايەۆ «ەلباسىنىڭ الەۋمەتتىك نەگىزگى 5 ماسەلەنى شەشۋ جونىندەگى جولداۋى قازاقستان مەملەكەتتىگىن دامىتۋ جولىنداعى ەرەكشە تاريحي كەزەڭ. جولداۋ حالقىمىزدىڭ مۇددەسىمەن ۇندەس كەلەدى» دەپ جازعان بولاتىن.
ايتا كەتەيىك، كەشە پارلامەنت پالاتالارىنىڭ بىرلەسكەن وتىرىسىندا ەلباسى ن. نازاربايەۆ «پرەزيدەنتتىڭ بەس الەۋمەتتىك باستاماسى» اتتى ۇندەۋىن جاريالادى.
اۆتور: قانات مامەتقازى ۇلى
