ارزان يپوتەكا تۇرعىن ءۇيدىڭ ساپاسىنا كەرى اسەر ەتپەيدى - قاسىمبەك

None
None
استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك ارزان يپوتەكانىڭ قۇرىلىس ساپاسىنا كەرى اسەرىن تيگىزبەيتىنىنە سەنىمدى، دەپ حابارلايدى قازاقپارات ءتىلشىسى.

«مىنا ءبىر ماسەلەنى ەسكەرۋ كەرەك، 7 پايىزدىق يپوتەكا بانكتەر ارقىلى بەرىلمەيدى. ۇكىمەت پەن ۇلتتىق بانك ارنايى كومپانيانى قۇراتىن بولادى. اتالعان كومپانيا ارزان يپوتەكانى بەرۋمەن اينالىسادى. ماسەلەن، قازىرگى كەزدە ەكىنشى دەڭگەيلى بانكتەردە يپوتەكانىڭ جىلدىق مولشەرلەمەسى 15-17 پروتسەنتتى قۇرايدى. ال جاڭا كومپانيانى ۇلتتىق بانك سۋبسيديالايدى. سونىڭ ارقاسىندا 7 پروتسەنتتىك يپوتەكا بەرۋگە مۇمكىندىك بولادى. اتالعان شارا تۇرعىن ءۇيدىڭ ساپاسىنا كەرى اسەرىن تيگىزبەيدى»، - دەدى ج. قاسىمبەك ۇكىمەت وتىرىسىنان كەيىنگى باسپا ءسوز ءماسليحاتىندا.

ءمينيستردىڭ ايتۋىنشا، قازاقستاننىڭ يپوتەكالىق كومپانياسى جاڭا باعدارلاماعا ارالاسپايدى. اتالعان ۇيىم ءوز قىزمەتىن «نۇرلى جەر» باعدارلاماسى اياسىندا جالعاستىرا بەرەدى. بۇگىندە ق ي ك ارقىلى بەرىلەتىن يپوتەكانىڭ سوڭعى مولشەرلەمەسى 10 پروتسەنتتى قۇراپ وتىر.

 ايتا كەتەيىك، پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى نۇرسۇلتان نازاربايەۆ قازاقستاندىقتاردى باسپانامەن قامتاماسىز ەتۋدىڭ جاڭا باعدارلاماسىن ازىرلەۋدى تاپسىردى. وسىعان بايلانىستى ق ر ۇلتتىق بانكى جانىنان 7 پروتسەنتتىك يپوتەكانى بەرەتىن جاڭا كومپانيا قۇرىلادى.

اۆتور: ارمان اسقاروۆ

سوڭعى جاڭالىقتار