وسكەمەندە جاۋعان قار بۇكىل رەكوردتاردى جاڭارتتى

None
None
وسكەمەن. قازاقپارات - وسكەمەندە جاۋعان قار بۇكىل رەكوردتاردى جاڭارتتى، ناۋرىزدىڭ العاشقى بەس كۇنىندە جاۋىن- شاشىننىڭ ايلىق مولشەرى جاۋدى، دەپ حابارلايدى قازاقپارات ءتىلشىسى.

كوكتەمنىڭ العاشقى كۇندەرى قالىڭدىعى ءبىر مەتردەي قار جاۋدى. سينوپتيكتەردىڭ مالىمەتىنشە، الداعى كۇندەرى دە قار جاۋادى. تۇندە جانە كۇندىز جاۋىن- شاشىن بولادى، كەيبىر جەرلەردە كۇشەيەدى، جاياۋ بۇرقاسىن، كوكتايعاق بولىپ، تۇمان تۇسەدى.

بۇل ونسىز دا تاۋلىكتىك رەجىمدە ىستەپ جاتقان كوممۋنالدىق قىزمەتتەردىڭ جۇمىسىن قيىنداتا تۇسەدى.

«ارينە، باستى مىندەت ورىندالىپ جاتىر. قوعامدىق كولىك ءۇزىلىسسىز قاتىناۋدا، ماشينالار ءجۇرىپ جاتىر. «وسكەمەن - ءتارتىپ» وسىمەن بەسىنشى كۇن تاۋلىك بويى جۇمىسىن توقتاتقان جوق. جالپى 98 تەحنيكا قارمەن كۇرەسىپ جاتىر. قالا تۇرعىندارىنا بۇكىل قاردى كۇرەپ شىعارۋ مۇمكىن ەمەس ەكەنىن ايتقىم كەلەدى. سوڭعى كۇندەرى 2000 تەكشە مەتر قاردى شىعاردىق»، - دەيدى «وسكەمەن - ءتارتىپ» م ك ك باسشىسى تامارا راحىمجانوۆا.

بۇگىن كوممۋنالدىق شارۋاشىلىقتىڭ 160 جۇمىسشىسى تروتۋارلاردى تازالاپ، ايالدامالارداعى قاردى قولدىڭ كۇشىمەن كۇرەپ شىقتى.

Өскеменде жауған қар бүкіл рекордтарды жаңартты

سوڭعى جاڭالىقتار