گولوۆكينمەن ايقاسقا شىعاتىن «كانەلودان» دوپينگ تابىلدى

None
None
استانا. قازاقپارات - مەكسيكالىق بوكسشى ساۋل «كانەلو» الۆارەس (49-1-2، 34 ك و) ورتا سالماقتا WBC، WBA (Super) ، IBF جانە IBO تۇجىرىمدارى بويىنشا الەم چەمپيونى قازاقستاندىق گەننادي گولوۆكينمەن (37-0-1، 33 ك و) ەكىنشى جەكپە-جەگىنىڭ قارساڭىندا دوپينگ قولداندى دەگەن اقپارات تارادى.

بۇل مالىمەتتى ب ا ق- قا رەسمي مالىمدەمە تاراتقان Golden Boy Promotions پروموۋتەرلىك كومپانياسى راستاپ وتىر. سونداي-اق، BoxingScene باسىلىمى مەن باسقا جەرلەردە دە وسىنداي اقپارات جاريالانۋدا، دەپ حابارلايدى Vesti.kz.

الۆارەستىڭ دوپينگ-سىناماسىنان كلەنبۋتەرول تابىلعان. بۇل پرەپارات ادامعا بۇلشىق ەت ماسساسىن وسىرۋگە جانە مايدى جويۋعا كومەكتەسەتىن كورىنەدى. ال سپورتتان تىس بۇل پرەپارات جانۋارلاردىڭ ماسساسىن وسىرۋگە ارنالعان.

Golden Boy مالىمدەمەسىندە الۆارەستىڭ اعزاسىنا بۇل پرەپارات زاقىمدالعان ەت ارقىلى ەنگەن بولۋى مۇمكىن ەكەنى ايتىلادى، ءدال وسىنداي جولمەن سوڭعى كەزدەرى ونداعان سپورتشىنىڭ اعزاسىنا كلەنبۋتەرول ەنىپ كەتكەن. مۇنى سولت-لەيك-سيتيدەگى SMRTL زەرتحاناسىنىڭ ديرەكتورى دەنيەل ايكنەر دە راستادى.

ايتا كەتەيىك، بوكسشىلاردىڭ رەۆانشى 5 -مامىر كۇنى لاس-ۆەگاستاعى T- Mobile Arena-دا وتەدى دەپ جوسپارلانعان بولاتىن. ازىرشە، جەكپە-جەكتى وتكىزبەۋ نەمەسە ۋاقىتىن وزگەرتۋ تۋرالى ەشقانداي رەسمي حابارلاما تاراتىلماعان.

سوڭعى جاڭالىقتار