بۇگىن ەلدىڭ باسىم بولىگىندە كۇشتى جەل تۇرىپ، جاۋىن جاۋادى

ەلدىڭ جەكەلەگەن اۋماقتارىندا تۇمان، كوكتايعاق، بۇرقاسىن، جەلدىڭ كۇشەيۋى بولجانادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

اتاپ ايتقاندا، وڭتۇستىك قازاقستان، جامبىل وبلىستارىندا 15-20 م/س جىلدامدىقپەن سوققان جەلدىڭ ەكپىنى 23-28 م/س، كۇندىز كەي جەرلەرىندە 30 م/س جەتەتىنى كۇتىلەدى. جامبىل وبلىسىنىڭ كەي جەرلەرىندە تۇندە تۇمان، وڭتۇستىك قازاقستان وبلىسىنىڭ كەي جەرلەرىندە نايزاعاي بولادى.

سولتۇستىك قازاقستان، اقمولا، شىعىس قازاقستان وبلىستارىندا جەلدىڭ ەكپىنى سەكۋندىنا 23-28 مەتر، كۇندىز كەي جەرلەرىندە 30 م/س جانە ودان جوعارى جىلدامدىقتا بولاتىنى بولجانادى. سونداي-اق تۇمان، كوكتايعاق كۇتىلەدى.

قاراعاندى وبلىسىندا 15-20 م/س ەكپىندەگى جەلدىڭ كۇشى 25 م/س جەتەدى. كەي جەرلەرىندە بۇرقاسىن، تۇمان، كوكتايعاق بولادى.

پاۆلودار وبلىسىنىڭ كەي جەرلەرىندە بۇرقاسىن، تۇمان، كوكتايعاق بولادى، كۇندىز باسىم بولىگىندە جەلدىڭ كۇشى 23-28 م/س جەتەدى.

قوستاناي، اقتوبە وبلىستارىندا جەلدىڭ ەكپىنى 23-28 م/س ارتادى. كەي جەرلەرىندە بۇرقاسىن، تۇمان، كوكتايعاق بولجانادى.

ماڭعىستاۋ وبلىسىنىڭ كەي جەرلەرىندە تۇمان كۇتىلەدى، جەل 15-20 م/س دەيىن كۇشەيەدى، تۇندە - جاياۋ بۇرقاسىنمەن.

باتىس قازاقستان، قىزىلوردا وبلىستارىنىڭ كەي جەرلەرىندە تۇمان، كوكتايعاق بولادى، جەلدىڭ كۇشى 15-23 م/س ارتادى. باتىس قازاقستان وبلىسىندا سونداي-اق بۇرقاسىن بولجانادى.