ينستاگرامدى شۋلاتقان مودەل ادام بولماي شىقتى

None
None
 استانا. قازاقپارات - ەرەكشە سۇلۋلىعىمەن ينستاگرامدى جاۋلاپ العان قىزدىڭ كىم ەكەنى انىقتالدى.

مودەل شۋدۋ گرەم ءوزىنىڭ ادەمى، وتكىر كوزىمەن جانە ءمىنسىز تەرىسىمەن الەۋمەتتىك جەلى قولدانۋشىلارىن باۋراپ الدى. سۇلۋ بويجەتكەن قازىردىڭ وزىندە ونداعان برەندتەرمەن جۇمىس ىستەپ ۇلگەرگەن.

بۇل تۋرالى Stan.kz اقپاراتتىق اگەنتتىگى حابارلايدى.

دەگەنمەن، جەلى قولدانۋشىلارىنىڭ نازارىنا ىلىنگەن مودەل قىزعا بايلانىستى باسقا دەرەك بەلگىلى بولدى.

 

 شۋدۋ فوتوگراف كەمەرون- دجەيمس ۋيلسون جاساعان الەمدەگى تۇڭعىش ساندىق سۋپەرمودەل. ۋيلسون قۇراستىرعان شەبەرلىكتىڭ مىنسىزدىگى سونشالىق ول ءتىرى ادامنان اۋماي قالعان.

 

«مەن گرەمدى قۇرعان كەزدە، 3D- مودەلدەۋگە ارنالعان باعدارلامانى پايدالانامىن. ول ۆيرتۋالدى فوتوسۋرەتكە ۇقساس. مودەلدى قۇراستىرعاننان كەيىن، وعان كەز- كەلگەن قيمىلدى جاساتا الامىن» ، - دەدى كەمەرون- دجەيمس ۋيلسون.

 

قىزدىڭ ينستاگرام پاراقشاسىندا فوتوسۋرەتتەر كوپ بولماسا دا، وعان 50 مىڭنان استام ادام تىركەلگەن. كەيبىر قولدانۋشىلار ۆيرتۋالدى قىزدىڭ سۇلۋلىعا تاڭدانىپ ءسوز ەتسە، باسقالارى بۇل جوبانىڭ ءسان الەمىندە ەشقانداي پايداسى جوق ەكەنىن ايتىپ ءوتتى.

سوڭعى جاڭالىقتار