پرەزيدەنت جاڭا الەۋمەتتىك باستامالاردى جاريا ەتتى
«بۇگىن قازاقستان پارلامەنتىنەن حالىققا جاڭا الەۋمەتتىك باستامالارمەن ءسوز ارنايمىن. مەن ولاردى باياعىدان بەرى ويلاستىرىپ ءجۇر ەدىم. ءبىراق، بىزگە كۇش پەن قاراجات جيناقتاۋ قاجەت بولدى. ەندى مىنە ۋاقىت جەتكەن سياقتى. ءبىزدىڭ قوعامنىڭ الەۋمەتتىك بىرلىگىن ودان ارى نىعايتۋعا ناقتى كۇش-جىگەر قابىلدايتىن جانە ونى اۋقىمدى الەۋمەتتىك جوبالار ارقىلى جۇزەگە اسىراتىن ۋاقىت جەتتى»، - دەدى ەلباسى.
مەملەكەت باسشىسى «قازاقستان - ءبىزدىڭ ورتاق ءۇيىمىز» يدەياسى جاڭا سىندارلى ويلارمەن تولىعۋى تيىستىگىن باسا ايتتى.
«جاڭا باستامالاردىڭ ماڭىزدىلىعىن ەسكەرە وتىرىپ، ءاربىر قازاقستاندىقتىڭ ءال-اۋقاتىن ودان ارى جاقسارتۋعا باعىتتالعان جاڭا الەۋمەتتىك باستامالاردى تالقىلاۋ ءۇشىن پارلامەنت پالاتالارىنىڭ جانە ۇكىمەتتىڭ بىرلەسكەن وتىرىسىنا باستاماشىلىق جاسادىم»، - دەپ اتاپ ءوتتى قازاقستان پرەزيدەنتى.
سونىمەن قاتار مەملەكەت باسشىسى بارلىق ۇسىنىستاردىڭ ەگجەي-تەگجەيلى ويلاستىرىلعانىن، ءارى بۇگىندە جۇزەگە اسىرىلىپ جاتقان مەملەكەتتىك باعدارلامالاردىڭ لوگيكالىق جالعاسى سانالاتىندىعىن اتاپ ءوتتى.
