قازاقستاننىڭ سۋپەركۋبوگىن «استانا» ءۇشىنشى مارتە ۇتىپ الدى

None
None
استانا. قازاقپارات - قازاقستاننىڭ سۋپەركۋبوگى تىگىلگەن بيىلعى سىندا «استانا» الماتىلىق «قايراتتى» 3:0 ەسەبىمەن تىزە بۇكتىردى، دەپ حابارلايدى قازاقپارات Sports.kz سايتىنا سىلتەمە جاساپ.

ويىننىڭ العاشقى مينۋتتارىن قوس كوماندا ساقتىقپەن باستادى. ەڭ ۇزدىك دەگەن ەكى قۇراما ءبىر-بىرىنە قاۋىپتى ساتتەردى تۋىنداتا بىلگەنىمەن، الادوپ قاقپادان قيىس كەتىپ جاتتى. وسىلايشا، العاشقى تايم تەڭ اياقتالدى.

ەكىنشى تايم «استانانىڭ» ەداۋىر قىسىمىمەن باستالدى. ورايلى ساتتەردىڭ بىرىندە تۆۋماسيدىڭ تەپكەن دوبىن پلوتنيكوۆ قايتارعانداي بولعان. ءبىراق، وسى شاقتا قاقپاعا جاقىنداعان يۆان مايەۆسكي العاشقى گولدى سالىپ، ەلوردالىق كوماندانى العا شىعاردى. ارادا كوپ وتپەي، مارين توماسوۆ باسپەن ۇرىپ، ەسەپتى ەسەلەي ءتۇستى. كەزەك-كەزەك سوعىلعان قوس گولدان الماتىلىقتار ەسىن جيا الماي قالعان سەكىلدى. ءتىپتى بۇدان كەيىن توماسوۆتىڭ ايىپپۇل دوبىن گولعا اينالدىرۋى «قايرات» كومانداسىن جەڭىستەن ودان ارى الىستاتىپ جىبەردى.

وسىلايشا، «استانا» ءوز تاريحىندا قازاقستاننىڭ سۋپەركۋبوگىنا ءۇشىنشى مارتە قول جەتكىزىپ وتىر.

سوڭعى جاڭالىقتار