سىرتقى ىستەر مينيسترلىگىنىڭ ەڭ سۇلۋ ديپلومات- ارۋى انىقتالدى
اتالعان بايقاۋ 1 - ناۋرىز - العىس ايتۋ كۇنىنە ارنالعان قايىرىمدىلىق كەشىنىڭ ءبىر بولىگى ەدى. وعان مينيسترلىكتىڭ ءتۇرلى دەپارتامەنتتەرىنەن كورىكتى دە ونەرلى 15 قىزمەتكەر قاتىستى. بايقاۋ ناتيجەسىندە ولاردىڭ بارلىعى ەستەلىك سىيلىقتارمەن ماراپاتتالدى.
قايىرىمدىلىق كەشىندە سونداي- اق اۋكتسيون ۇيىمداستىرىلدى. ماسەلەن، قازاقستاندىق سۋرەتشى سەيسەنحان ماحامبەتوۆتىڭ سۋرەتى 50 مىڭ تەڭگەگە، قولدان جاسالعان تيبەتتىك قانجار 25 مىڭ تەڭگەگە، حيلاري كلينتون كىتابى 9 مىڭ تەڭگەگە ساتىلدى. بۇيىمداردى ساتۋدان بارلىعى 100 مىڭ تەڭگەدەن استام قاراجات جينالدى.
ودان بولەك، س ءى م عيماراتىندا دەپارتامەنتتەر قايىرىمدىلىق جارمەڭكەسىن ۇيىمداستىردى. وندا تاعامدار مەن سۋسىندار، الەمنىڭ ءتۇرلى ەلىنەن كەلگەن بازارلىقتار ساتىلىمعا قويىلدى.
جينالعان قاراجاتتىڭ بارلىعى داۋن سيندرومى بار بالالارعا كومەك كورسەتۋ ماقساتىندا قۇرىلعان «سولنەچنىي مير» وڭالتۋ ورتالىعىنا اۋدارىلاتىن بولادى. قر ءسىم «سولنەچنىي مير» قوعامدىق قورىنا بىرنەشە جىلدان بەرى كومەك كورسەتىپ كەلەدى.
«جىل سايىن 120-دان استام بالامەن جۇمىس ىستەيمىز. ءۇش اي سايىن 30 بالا تەگىن جاتتىعادى. بۇعان دەيىن ءبىزدى «اسىل بالا» رەسپۋبليكالىق قاۋىمداستىعى قارجىلاندىراتىن. ءبىراق، ءبىز پيلوتتىق جوبا بولعاندىقتان، كەلىسىمشارت مەرزىمى اياقتالدى جانە ءقازىر قوسىمشا قارجى كوزىن ىزدەستىرىپ جاتىرمىز»، - دەدى قوعامدىق قور پرەزيدەنتى ەۆگەنيا چەبوتاريەۆسكايا.
ە. چەبوتاريەۆسكايا بالالاردىڭ جاتتىعۋعا كۇن سايىن كەلەتىنىن اتاپ ءوتتى. ولار لوگوپەد، دەفەكتولوگ، ەڭبەك تەراپيەۆتى، ويىن تەراپيەۆتى، مونتەسسوري- پەداگوگپەن جۇمىس ىتەيدى. سۋرەت سالۋ، مۋزىكا تەراپياسى، ەمدىك دەنە تاربيەسىمەن اينالىسادى جانە ماسساج كۋرسىنان وتەدى.
ونىڭ ايتۋىنشا، استانادا داۋن سيندرومىنا شالدىققان 350-دەن استام بالا بار.
اۆتور: ايجان سەرىكجان قىزى
