اقتاۋدا بولات بالقىتاتىن زاۋىت ىسكە قوسىلدى
قازىرگى تاڭدا «Aktau Steel» ج ش س بازاسىندا 150 تۇراقتى جۇمىس ورنى اشىلدى. بولاشاقتا بۇل كورسەتكىشتى ۇلعايتۋ جوسپاردا بار.
«زاۋىتتى جاڭعىرتۋ ءۇشىن ازەربايجاندىق ينۆەستورلار 22 ميلليون دوللار قاراجات جۇمسادى. بۇگىندە كاسىپورىن جىلىنا 250 مىڭ توننا بولات ارماتۋراسىن شىعارۋعا قاۋقارلى. ءوندىرىس كولەمىن ارتتىرۋ ءۇشىن كەيىننەن نىساندى قايتا جاڭارتۋ دا قاراستىرىلعان. ءبىزدىڭ سەرىكتەستىكتىڭ %50 ى قازاقستاندىق كومپانيا بولسا، قالعان جارتىسى شەتەلدىك ينۆەستورلاردىڭ ۇلەسىندە. ايتا كەتۋ كەرەك، قازىرگى كەزدە قازاقستاندا قۇرىلىستا پايدالاناتىن ارماتۋراعا سۇرانىس جوعارى. ءبىز ءوز ونىمىمىزبەن جەرگىلىكتى نارىققا شىعۋعا نيەتتىمىز. بۇگىندە ەكسپورتقا ۇلكەن تاپسىرىستار بار»، - دەپ اتاپ ءوتتى «Aktau-steel» ج ش س مەتاللۋرگيالىق زاۋىتىنىڭ باس ديرەكتورى رياد ميرزويەۆ.
سوڭعى 3-4 جىلدا ازەربايجاندىق ينۆەستورلار قازاقستان ەكونوميكاسىنا 300 ميلليون دوللاردان استام قاراجات سالعان.
«اتالعان زاۋىتتىڭ اشىلۋى ينۆەستيتسيالىق بەلسەندىلىكتىڭ جارقىن ۇلگىسىن كورسەتىپ وتىر. قازىرگى تاڭدا قازاقستاندا 800 دەن استام ازەربايجان كومپانياسى جۇمىس ىستەيدى. بۇل ەكى ەلدىڭ پرەزيدەنتتەرىنىڭ ءبىزدىڭ كاسىپكەرلەر ءۇشىن بارلىق جاعدايلاردى جاساپ وتىرعانى دەپ بىلەمىز»، - دەيدى ازەربايجان رەسپۋبليكاسىنىڭ اقتاۋداعى باس كونسۋلى ەلحان زەينالوۆ.
