قازاقستاندىق دەلەگاتسيا توكيودا عارىشتى يگەرۋ جونىندەگى فورۋمعا قاتىسۋدا

None
None
استانا. قازاقپارات - ق ر قورعانىس جانە اەروعارىش ونەركاسىبى (ق ا ع و) ۆيتسە-ءمينيسترى مارات نۇرعوجين باستاعان مينيسترلىك دەلەگاتسياسى توكيودا ءوتىپ جاتقان عارىشتى يگەرۋ جونىندەگى ەكىنشى حالىقارالىق فورۋم ISEF International Space Exploration Forum جۇمىسىنا قاتىسۋدا، دەپ حابارلايدى قازاقپارات.

قازاقستاندىق دەلەگاتسيا فورۋمنىڭ رەسمي اشىلۋ راسىمىنە قاتىستى.

فورۋم اياسىندا قۇرامىنا «قازاقستان عارىش ساپارى» ۇ ك» ا ق ۆيتسە-پرەزيدەنتى ۇشقىش-عارىشكەر ايدىن ايىمبەتوۆ، «عالام» س پ باس ديرەكتورى ايبەرگەن رۋسلان ۇلى كىرگەن ق ا ع و دەلەگاتسياسى رەسەي، ۋكراينا، ب ا ءا سياقتى ەلدەردىڭ عارىش ۆەدومستۆولارىنىڭ وكىلدەرىمەن كەزدەستى.

دەلەگاتسيا باسشىسى مارات نۇرعوجيننىڭ ايتۋىنشا، قازاقستاندىق ماماندار «عارىش زەرتتەۋلەرى سالاسىنداعى جوبالار مەن باعدارلامالاردى جۇزەگە اسىرۋ» سەسسياسىنىڭ جۇمىسىنا قاتىسادى. وندا ق ر قورعانىس جانە اەروعارىش ونەركاسىبى ۆيتسە-ءمينيسترىنىڭ قازعارىشتىڭ بۇگىنگى جەتىستىكتەرى مەن قازاقستاندا عارىش قىزمەتىن جەتىلدىرۋ پەرسپەكتيۆالارىنا ارنالعان بايانداماسى ۇسىنىلادى.

سونداي-اق، قازاقستاندىق دەلەگاتسيا جاپونيانىڭ اەروعارىشتىق زەرتتەۋلەر اگەنتتىگى ورتالىعىندا بولادى.

سوڭعى جاڭالىقتار