ءجۇز كۇننىڭ ىشىندە ءومىردى تۇبەگەيلى وزگەرتۋدىڭ جولى

None
None
استانا. قازاقپارات - «ءومىردى وزگەرتۋ مۇمكىن ەمەس» دەپ سانايتىن ادامداردىڭ پىكىرى قاتە. ءومىرىن وزگەرتە المايتىن ادام نە ەرىنەدى، نە جۇرەكسىنەدى.

ال بار كۇش-جىگەرىن جيناپ، ناقتى شەشىم قابىلداعان ادام ءومىرىن تۇبەگەيلى وزگەرتە الادى.

1. دۇكەننەن ساتىپ الىنعان نەمەسە دوستارىڭىز سىيلاعان «وقۋ كەرەك» دەگەن ءبىر كىتاپتى قولىڭىزعا الىپ، 100 كۇننىڭ ىشىندە باستان-اياق وقىپ شىعىڭىز. بۇل ءسىزدى ماقساتقا بەرىك بولۋعا جانە شەشىم قابىلداۋعا ۇيرەتەدى.

2. كۇندە جاڭا ءبىر نارسەنى تانۋعا تالپىنىڭىز. مىسالى، گۇل اتاۋى، ءبىر ەلدىڭ استاناسى، ءبىر قالانىڭ بەتكەۇستار عيماراتى، جەرى، داستۇرلەرى جانە ت. ب. ءبىراز كۇننەن كەيىن ويلاۋ، ەستە ساقتاۋ قابىلەتىڭىز جاقسارعانىن بايقايسىز.

3. كۇن سايىن ءبىر مينۋت ۋاقىت ءبولىپ، سول كۇنى نە نارسەگە رازى بولعانىڭىزدى قاعازعا جازىپ ءجۇرىڭىز.

4. 100 كۇن بويى ءبىر اۋىز ارىز، شاعىم ايتپاۋعا تىرىسىڭىز. نەگاتيۆتى ويلار مىندەتتى تۇردە نەگاتيۆتى جاعدايعا اپارىپ سوعادى.

5. 100 كۇن بويى كۇندە تاڭەرتەڭ ارنايى داپتەرگە ويىڭىزداعى دۇنيەلەردى ءتىزىپ جازىڭىز. ول ءماندى، ءمانسىز، وزەكتى، قاراپايىم نارسەلەرگە قاتىستى بولۋى مۇمكىن. ويىڭىزعا نە كەلسە دە جازا بەرىڭىز.

6. كۇنىنە ەڭ بولماعاندا ءبىر ساعات بويى بولاشاقتى جوسپارلاۋعا، ارمانداۋعا ارناڭىز. قوسىمشا قارجى اكەلەتىن ىستەردى ويلاپ تابۋعا تىرىسىڭىز.

7. وسى 100 كۇننىڭ ىشىندە ۇنەمى سپورتپەن شۇعىلدانىپ تۇرىڭىز. ول مەيلى ءبي بولسىن، اەروبيكا، يوگا، تەننيس، ءجۇزۋ بولسىن، بەلسەندى ءبىر ىسپەن اينالىسىپ تۇرۋىڭىز كەرەك.

8. وسى 100 كۇننىڭ ىشىندە ءوز ويلارىڭىزدى، سوزدەرىڭىزدى باقىلاۋعا تىرىسىڭىز. كىم بولعىڭىز كەلەدى؟ وزگەلەر جايلى نە ويلايسىز؟ نەگە ولاي ويلايسىز؟ بارىنە جاۋاپ بەرۋگە تىرىسىڭىز. ءسىزدىڭ ويلارىڭىز تەك ءماندى، ماعىنالى، پايدالى بولۋى كەرەك.

 

 دەرەككوزى: Vk.com

سوڭعى جاڭالىقتار