سەناتور ۇكىمەتتەن كەمە جاساۋعا قوسىمشا قارجى ءبولۋدى سۇرادى

None
None
استانا. قازاقپارات - سەناتتىڭ جالپى وتىرىسىندا دەپۋتات عۇمار دۇيسەمبايەۆ ۇقك شەكارا قىزمەتى ءۇشىن قاجەتتى شاعىن كۇزەت كەمەسى قۇرىلىسىنا ءتيىستى قارجى قاراستىرۋدى سۇرادى، دەپ حابارلايدى قازاقپارات.

«ەلىمىزدىڭ كاسپي تەڭىزى ارقىلى وتەتىن باتىس ايماقتاعى شەكارانىڭ قاۋىپسىزدىگىن قامتاماسىز ەتۋدە اسكەري-تەڭىز كۇشتەرىن تەحنيكالىق جابدىقتاۋ ءۇشىن كەمە جانە جۇيرىك قايىقتار جەتكىلىكتى مولشەردە بولۋى قاجەت ەكەنى ايقىن. سونىمەن قاتار، جالپى كاسپي ءوڭىرىنىڭ مەملەكەتىمىزدىڭ ترانزيتتىك كولىكتىك-لوگيستيكا تۇرعىسىنان حالىقارالىق ماڭىزى بار. بۇگىندە وتاندىق اسكەري كەمەلەر جاسايتىن ءارى كۇش قۇرىلىمدارعا قاجەتتى ونىمدەر شىعاراتىن «ورال «زەنيت» زاۋىتى» ا ق- نىڭ مەملەكەتتىك قورعانىستىق تاپسىرىس اياسىندا ەلىمىزدەگى تاپسىرىستاردى ورىنداۋعا بارلىق مۇمكىندىكتەرى بار»، - دەدى دەپۋتات ۇكىمەت باسشىسى باقىتجان ساعىنتايەۆتىڭ اتىنا جولداعان ساۋالىندا.

وسى ورايدا ول زاۋىت شاعىن كۇزەت كەمەسى «ايبار» جوباسىن جاساۋعا ءازىر ەكەنىن جەتكىزدى. اتالعان ماسەلە بويىنشا زاۋىت باسشىلىعىنان بيىلعى رەسپۋبليكالىق بيۋدجەتتىڭ 2018-2020-جىلدارعا قوسىمشا قارجىلاندىرۋ ليميتىنە ۇ ق ك شەكارا قىزمەتىن قوسۋ تۋرالى ءوتىنىش كەلدى.

«بۇل تۇرعىدا 2018-2020-جىلدارعا رەسپۋبليكالىق بيۋدجەتتى ناقتىلاۋ كەزىندە قوسىمشا قارجىلاندىرۋدىڭ ليميتىندە ۇلتتىق قاۋىپسىزدىك كوميتەتىن قوسۋ، سونداي-اق 2018-جىلى شاعىن كۇزەت كەمەسى نەگىزىن قۇرۋعا قاجەتتى 500 ميلليون تەڭگە كولەمىندە قارجى ءبولۋ مۇمكىندىگىن قاراستىرۋدى سۇرايمىز»، - دەدى عۇمار دۇيسەمبايەۆ.

سوڭعى جاڭالىقتار