ءانشى جانار دۇعالوۆانىڭ نە سەبەپتى كورىنبەي كەتكەنى بەلگىلى بولدى

استانا. قازاقپارات - امبەباپ ونەر يەسى جانار دۇعالوۆا ءبىراز ۋاقىتتان بەرى شىعارماشىلىق توقىراۋدا بولدى. ءانشى ءبىر جىلعا جۋىق ۋاقىت ەشقانداي ءان جازبادى، بەينەبايان دا تۇسىرمەدى. ءبىر سوزبەن ايتقاندا تىڭدارمانىنان قول ءۇزىپ قالدى.

«گاككۋ» ارناسىنا بەرگەن سۇحباتىندا جانار كورىنبەي كەتۋىنىڭ سەبەبىن ءتۇسىندىردى، دەپ حابارلايدى Stan.kz اقپاراتتىق اگەنتتىگى.

«دەنساۋلىعىم سىر بەردى. سوندىقتان ۇزاق ۋاقىت بويى بيلەي المادىم. ءتىپتى ۇزاق ۋاقىت وتىرۋعا، تۇرىپ تۇرۋعا تىيىم سالىندى. ەمدەلۋگە تۋرا كەلدى»، - دەيدى جانار.

جاناردىڭ تىڭدارماندارىنا الاڭداۋعا ەش نەگىز جوق. سەبەبى دارىگەرلەردىڭ باقىلاۋىندا بولعان ءانشى بۇگىندە دەنساۋلىعىن تولىق قالىپقا كەلتىرگەن.

«قازىر جۇمىسقا دايىنمىن. كوپ ۋاقىتىم ستۋديادا ءوتىپ جاتىر. جاڭا اندەر جازىپ، جاڭا كليپتىڭ تۇسىرىلىمىنە دايىندالۋ ۇستىندەمىن. سونداي-اق، فيلمگە ءتۇسۋ بويىنشا ۇسىنىستى قاراستىرۋدامىن.

جالپى بۇل ۋاقىتتى ءتيىمدى وتكىزدىم. سەبەبى كوپتەگەن اندەر، ولەڭدەر جازدىم. كەرەمەتتەي كىتاپتار وقىدىم. باسقا ادامداردىڭ شىعارماشىلىعىنا قانىقتىم»، - دەيدى جانار.