جەر بەتىندە بولماعان ارال مەملەكەت شىڭعىسحاننىڭ بەينەسىمەن اقشا شىعارعان - فوتو
Royllo نەمەسە رويللو - XV عاسىرداعى كارتالاردا اتلانت مۇحيتىندا، پيرەنەي تۇبەگىنىڭ باتىسىندا بەينەلەنگەن «ەلەس» ارال.
ارال العاش رەت ۆەنەتسيالىق كارتوگراف دجوۆانني پيتستسيگانونىڭ (1424) پورتۋلانىندا يمانا (Ymana) دەگەن اتپەن بەينەلەنگەن. كەيىنگى كارتوگرافتار بۇل ارالدى رويللو دەپ اتاعان، الايدا ونىڭ العاشقى ورنى ساقتالىپ قالعان.
رويللو جەتى قالاسى بار، انتيليانىڭ باتىسىندا ورنالاسقان شاعىن ارال رەتىندە بەلگىلەنگەن. ول قۇرامىنا سونداي-اق انتيليا، سايا جانە ساتانا ارالدارى كىرەتىن «انتيليا توبىنا» جاتادى. XV عاسىردىڭ سوڭىندا بۇل ارال كارتادان الىنىپ تاستالادى.
ا ق ش- تا تۇراتىن جانە سوندا جۇمىس ىستەيتىن داگۆاسامبۋۋگين التانگەرەلدىڭ ايتۋىنشا، بولماعان ارالدىڭ اتىنان ناپولەون بوناپارت، محاتما گاندي جانە چە گيەۆارانىڭ سۋرەتتەرى بەينەلەنگەن ءبىرقاتار قاعاز اقشالار شىعارىلعان.
ال ۇلى شىڭعىسحان Cinco Pesos دەپ اتالاتىن 5 پەسو اقشاسىندا بەينەلەنگەن.
