مينيستر ءدىن تۋرالى زاڭ جوباسىندا كيىم مەن ساقالعا قاتىستى سوزدەردىڭ جوق ەكەنىن ايتتى

None
None
استانا. قازاقپارات - ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ماجىلىستە قارالىپ جاتقان «ءدىني قىزمەت جانە ءدىني بىرلەستىكتەر تۋرالى» زاڭ جوباسىندا ادامداردىڭ كيىمى مەن ساقالىنا قاتىستى تالاپتار قاراستىرىلماعانىن ايتتى.

«ءدىني قىزمەت جانە ءدىني بىرلەستىكتەر تۋرالى» زاڭ جوباسى ازىرلەندى. ونىڭ نورمالارى دىنگە قاتىناسىنا قاراماستان بارلىق ازاماتتاردىڭ قۇقىقتارىن قورعاۋعا، ءدىني بىرلەستىكتەر قىزمەتى ءۇشىن مەيلىنشە اشىق جانە ىڭعايلى جاعداي جاساۋعا، ءدىندى دەسترۋكتيۆتى ماقساتتا پايدالانۋعا جول بەرمەۋگە باعىتتالعان»، - دەدى ول.

مينيستر بۇل زاڭ جوباسىندا وقۋشىلاردىڭ كيىمى، مىندەتتى ەكپە ەگۋ سياقتى داۋلى ماسەلەلەر قامتىلماعانىن ايتتى، دەپ حابارلايدى Baq.kz.

«كەيبىر ادامداردىڭ قاتە تۇسىنىكتەرى، ادەيى جاسالىپ وتىرعان جانە جالعان بۇرمالانعان مالىمەتتەرى بويىنشا مىنانى ايتقىم كەلەدى. زاڭنىڭ وزىندە مەكتەپ كيىمى، مىندەتتى ەكپە ەگۋ نورمالارى تۋرالى ءسوز قوزعالماعان. ساقال، شالبار ت. ب. سوزدەر مۇلدە جوق. جالپى زاڭ جوباسى قوعام مەن مەملەكەت الدىندا ادامدار ءوز مىندەتىن ساقتاي وتىرىپ، ولاردىڭ قۇقىقتارى مەن ەركىندىكتەرىن قامتاماسىز ەتۋدى ءبىرىنشى ورىنعا قويىپ وتىر. زاڭ جوباسى ەلىمىزدەگى تۇراقتىلىق پەن قاۋىپسىزدىكتىڭ بەرىك ىرگەتاسىن قالىپتاستىرۋعا باعىتتالعان»، - دەدى مينيستر سەنات قابىرعاسىندا وتكەن ق ر ازاماتتىق قوعامدى دامىتۋ ماسەلەلەرى بويىنشا زاڭناماسىن جەتىلدىرۋ تاقىرىبىنداعى دوڭگەلەك ۇستەلدە.

ەسكە سالا كەتسەك، جاقىندا عانا ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلعان بولاتىن.

سوڭعى جاڭالىقتار