تۇركيادا جارىنا وپاسىزدىق جاساعانداردى قىلمىستىق جاۋاپكەرشىلىككە تارتپاق
بۇل تۋرالى The Independent كە سىلتەپ، Stan.kz اقپاراتتىق اگەنتتىگى حابارلايدى.
1996 -جىلى كونستيتۋتسيالىق سوت ەركەكتەرگە قاراعاندا ايەلدەر كوپ جازالانادى دەپ زيناقورلىق تۋرالى زاڭنىن كۇشىن جويعان بولاتىن. وسى زاڭ قولدانىستا بولعاندا كۇيەۋىنىڭ كوزىنە ءشوپ سالعان تۇرىك ايەلدەرى كىنالى دەپ تانىلىپ جازالانعان. ال ەركەكتەردى تەك كوڭىلدەسىمەن ۇزاق قارىم- قاتىناستا بولعان جاعدايدا عانا جازالاپ وتىرعان.
مەملەكەت باسشىسىنىڭ پىكىرىنشە، بۇل ماسەلەنى قايتا قاراپ، نەكە ادالدىعىن بۇزعانداردى قىلمىستىق جاۋاپكەرشىلىككە تارتۋ كەرەك.
بيلىكتەگىلەر 2004 -جىلى زيناقورلىق جاساعانداردى جازالاۋ تۋرالى زاڭدى قايتا ەنگىزۋدى كوزدەگەن. ءبىراق بۇل زاڭ ەۋرازيالىق وداقتىڭ تالاپتارىنا ساي بولماعاندىقتان، جۇزەگە اسىرىلماي قالدى.
ايتا كەتەيىك، زيناقورلىققا قاتىستى زاڭ قولدانىستا بولعان كەزدە، نەكە ادالدىعىن ساقتاماعان ازاماتتار ءۇش جىلعا دەيىن باس بوستاندىعىنان ايىرىلعان.