الۆارەس گولوۆكيننىڭ كومانداسىمەن «سەن وتىرىكشىسىڭ» دەپ سوزگە كەلىپ قالدى

استانا. قازاقپارات - لوس-اندجەلەستە گەننادي گولوۆكين مەن ساۋل الۆارەستىڭ ەكىنشى جەكپە-جەگىنە ارنالعان باسپا ءسوز كونفەرەنسياسى كەزىندە «كانەلو» مەن گولوۆكيننىڭ GGG باپكەرى ابەل سانچەس اراسىندا قىزۋ پىكىرتالاس بولدى، دەپ جازدى Sports.kz.

ميكروفوندى العان الۆارەس العاشقى جەكپە-جەكتە مەرزىمىنەن بۇرىن جەڭىسكە جەتەمىن دەگەن ۋادەڭدى ورىندامادىڭ دەپ قازاقستاندىق بوكسشىعا ايىپ تاقتى.

«بىرىنشىدەن، سەن ءوز جانكۇيەرلەرىڭە مەنى نوكاۋتقا تۇسىرۋگە ۋادە بەرىپ، ولارعا وتىرىك ايتتىڭ، قولىڭنان كەلمەدى»، - دەپ باستادى «كانەلو».

وسى كەزدە باپكەر ابەل سانچەس شاكىرتىنە اراشا ءتۇسىپ، قاشىپ جۇرگەن ادامدى نوكاۋتقا ءتۇسىرۋ مۇمكىن ەمەس ەكەنىن مالىمدەدى. كەيىن سانچەس پەن الۆارەس اراسىنداعى داۋ يسپان تىلىندە جالعاستى.

ايتا كەتەيىك، گولوۆكينا -  الۆارەس رەۆانشى 5 -مامىر كۇنى لاس-ۆەگاستە وتەدى.