ازامات ساتىبالدى: سەريال وتە ناشار، ءبىراق ونى بايانعا ايتا المادىم

None
None
استانا. قازاقپارات - تانىمال تەاتر جانە كينو اكتەرى، تەلەجۇرگىزۋشى ازامات ساتىبالدى بايان الاگوزوۆا تۇسىرگەن «قوزى كورپەش - بايان سۇلۋ» تەلەسەريالى تۋرالى پىكىرىن ايتتى، دەپ حابارلايدى Today.kz.

«مۇنداي تاريحي جادىگەر كورەرمەنگە جەتۋى كەرەك. تەاتر ازدىق ەتەدى. ەكرانعا شىعۋى كەرەك. ءبىراق «تورعاي سويسا دا، قاساپشى سويسىن» دەيدى. سول تاريحتى بىلەتىن، سول ادامنىڭ قولىنان كەلەتىن، مۇمكىندىگى كەلەتىن ادامعا تابىستاۋ كەرەك. مەن «قوزى كورپەش -  بايان سۇلۋ» سەريالىنىڭ ءبىرىنشى سەرياسىن كوردىم. وتە ۇيات، وتە ىڭعايسىز بولدى. بايان -  مەنىڭ دوسىم. بايان مەنىڭ دوسىم بولعانىمەن، بايانعا ەشتەڭە ايتا المادىم. باياننىڭ كينوسىن كورسەم، قوڭىراۋ شالىپ، ويىممەن بولىسەتىنمىن. «قوزى كورپەش -  بايان سۇلۋ» تۋرالى ۇندەي المادىم. ويتكەنى سول انەستى (رەداكتوردان: ءاناس باعدات -  سەريالدىڭ رەجيسسەرى، دراماتۋرگ) تانىستىرعان مەن ەدىم. «ماعان قازاقتىڭ كينوداعى دراماتۋرگى كەرەك، ازامات» دەپ قوڭىراۋ شالعاندا، «مەن تاۋىپ بەرەيىن، بىزدە انەس دەگەن كەرەمەت دراماتۋرگ بار» دەپ انەس پەن باياندى تانىستىرعان مەن ەدىم... كوردىم دە، ۇيالدىم. اكتەرلەردىڭ شەبەرلىگى، جەتكىزۋى، اتموسفەرانى تۇسىنبەۋشىلىگى، رەجيسسەردىڭ تايازدىعى، سول تەلەۆيدەنيەنىڭ توڭىرەگىندە تۇسىرە سالعان. ماعان اسا ۇناعان جوق. مەن مۇنى قيانات دەپ بىلەمىن. بىزدە قازاقتا ادەمى ءسوز بار «امانات» دەگەن»، -  دەدى ازامات ساتىبالدى.

 ال پروديۋسەر بايان ماقسات قىزى مەن ءانشى مەرۋەرت تۇسىپبايەۆا اراسىنداعى داۋدى ازامات ساتىبالدى اتىن شىعارۋدىڭ، پياردىڭ ءبىر جولى دەپ ەسەپتەيدى.

«ال مەرۋەرت پەن ەكەۋىنىڭ اراسىنداعى نارسە پيار دەپ ويلايمىن. مەرۋەرت ءوزىنىڭ اتىن شىعارعىسى كەلىپ جاتىر، وعان باياننىڭ مىنەزى بار، جاۋاپ بەرىپ جاتىر. ەكى ايەلدىڭ اراسىنداعى اڭگىمەگە ءبىز جىگىتپىز، ارالاسپايمىز»، -  دەپ تۇيىندەدى اكتەر.

ەستەرىڭىزگە سالا كەتەيىك، ازامات ساتىبالدى مەن جۇبايى نازگۇل قارابالينا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا قوزى كورپەش -  بايان سۇلۋ ءرولىن 15 جىل بويى سومداعان.

سوڭعى جاڭالىقتار