قىزىلوردادا اسكەريلەر اراسىندا قىلمىس سانى ارتقان

None
None
قىزىلوردا. قازاقپارات - وتكەن جىلى قىزىلوردادا اسكەري قىزمەتشىلەر اراسىندا ورىن العان قىلمىستاردىڭ سانى 80 پايىزعا ارتقان، دەپ حابارلايدى قازاقپارات.

وتان الدىندا ابىرويلى قىزمەت ەتۋگە انت بەرگەندەردىڭ اراسىندا، الاياقتىق ارەكەت جاساعاندار دا كەزدەسەدى. ال، قۇمار ويىن ويناۋدان ارىلا الماعان تاعى ءبىر سارباز ومىرىمەن قوش ايتىسقان.

بۇل ماسەلەلەردىڭ بارلىعى قىزىلوردا اسكەري گارنيزونى پروكۋرورىنىڭ توراعالىعىمەن وتكەن ۆەدومستۆوارالىق ماجىلىستە كەڭىنەن تالقىلاندى.

«2017-جىلى اسكەري قىزمەتشىلەر اراسىندا قىلمىس سانى كوبەيگەن. بۇل رەتتە ءبىز ءاربىر اسكەري ءبولىم كومانديرلەرىنە ناقتى تاپسىرمالار جۇكتەدىك. ماماندار اراسىندا سىبايلاستىق جانە قىلمىستىق سيپاتتاعى وقيعالار بەلەڭ العان. قازىر پروفيلاكتيكالىق شارالارعا نازار اۋدارىپ جاتىرمىز. الداعى ۋاقىتتا دا بۇل ماسەلەنى باقىلاپ وتىرماقپىز»، - دەپ مالىمدەدى  قىزىلوردا گارنيزونىنىڭ اسكەري پروكۋرورى قاسەن راحماتۋلين.

سوڭعى جاڭالىقتار