وڭتۇستىك قازاقستاندا تەرروريزمدى ناسيحاتتاعانى ءۇشىن قامالعان يمامعا قاتىستى سوت باستالدى
ەندى 41 جاستاعى اۋىل مولداسىنا قاتىستى سوت وتىرىسى باستالدى، دەپ حابارلايدى قازاقپارات ءتىلشىسى.
ابدۋراپي راحماتۋللايەۆ قارابۇلاق اۋىلىنداعى ورتالىق مەشىتتە يمام بولعان. 6 جىلدان اسا وسى قىزمەتتى اتقارىپ ءجۇرىپ ول باسقا دىنگە ءوتىپ كەتكەن. ءسويتىپ، ايت نامازى كۇندەرى جاماعاتتقا «سيريادا سوعىسىپ جۇرگەن سودىرلارعا قول ۇشىن بەرۋ كەرەك» دەپ ۋاعىز ايتقان. وسىلايشا ەلىمىزدە تىيىم سالىنعان ءدىني ۇيىمعا قولداۋ بىلدىرگەن. ارتىنشا قىزمەتىنەن بوساتىلىپ، وسى جىلدىڭ قاڭتار ايىندا قاماۋعا الىنعان بولاتىن. ونىڭ ۇستىنەن قىلمىستىق ءىس قوزعالىپ، ءىس سايرام اۋداندىق سوتىنا وتكەن.
«سوتتالۋشى ا. س. دەيتىن ازاماتقا بايلانىستى ق ر قىلمىستىق كودەكسىنىڭ 174-بابى 1-بولىگىمەن قوزعالعان ءىس سايرام اۋداندىق سوتىنىڭ وندىرىسىنە كەلىپ تۇسكەن. قازىرگى تاڭدا قىلمىستىق ءىس قارالۋ بارىسىندا. ول بويىنشا قابىلدانعان شەشىمدەر قوسىمشا حابارلانادى»، - دەيدى اتالعان سوتتىڭ كەڭسە مەڭگەرۋشىسى سابىر مەيرامبايەۆ.
ايتا كەتەيىك، جىل باسىنان بەرى سايرام اۋدانىندا لاڭكەستىك ءىس ارەكەتتى ناسيحاتتاعانى ءۇشىن 3 ادام سوتتى بولعان.
اۆتور: اينۇر اقبايەۆا
