ەۆرەي داستۇرىنە ساي تۇرعىزىلعان مەشىت مۇسىلمانداردىڭ اشۋىن كەلتىردى

 استانا. قازاقپارات - يران استاناسى تەگەراننىڭ ورتالىعىندا سالىنعان جاڭا مەشىت يسلام فۋندامەنتاليستەرىن اشۋلاندىردى.

 اۆانگارد ستيلىندە سالىنعان مەشىتتە كۇمبەزدەر مەن مۇنارالار جوق. ونىڭ ورنىنا سۇر تاستان جاسالعان تولقىندار تۇرعىزىلعان. مەشىت قۇرىلىسىندا ءداستۇرلى ەلەمەنتتەردىڭ بولماۋى كونسەرۆاتورلاردىڭ نارازىلىعىن تۋدىردى.

بۇل تۋرالى The Independent-كە سىلتەپ، Stan.kz اقپاراتتىق اگەنتتىگى حابارلايدى.

ولاردىڭ ايتۋىنشا، بيلىكتەگىلەر يەۆرەي بالەت تەاترى ىسپەتتى سالىنعان مەشىتتى قۇپتاپ «يسلامعا وپاسىزدىق جاسادى» دەيدى.

 مەشىتتەگى كۇمبەزدەر مەن مۇنارالار پۇتقا تابىنۋشىلىق پەن حريستياندىقتىڭ اتريبۋتى دەگەنگە يسلام فۋندامەنتاليستەرى كەلىسپەيدى. ولاردىڭ ويىنشا بيلىكتەگىلەر وسى جاڭا مەشىتى تۇرعىزىپ يسلام مەملەكەتىن جاۋلاپ الماقشى.

مەشىت ارحيتەكتورلارىنىڭ ءبىرى رەزا دانەشميردىڭ ايتۋىنشا، جوبانى ماقۇلداۋعا بىرنەشە ايعا كەتكەن ەكەن. ءبىراق ولار بيلىكتەگىلەرگە ءداستۇرلى عيمارات قازىرگى زامانعا ساي بولمايتىنىن جانە قالا ورتالىعىنداعى ەرەكشە قۇرىلىس بولاتىنىن ەسكەرتكەن.

«ءبىز بۇل جوبانى زاماناۋي داستۇردە سالامىز دەپ جوسپارلادىق. مەن جاڭا مەشىتكە كىمدەر باراتىنىن ءتۇسىندىردىم» ، - دەدى ول ورتالىقتا ءجيى كەلەتىن جاس يراندىقتاردى مەڭزەپ.

ايتا كەتەيىك، «ۆالي- ە اسر» مەشىتىنىڭ سالىنىپ جاتقانىنا 10 جىلداي ۋاقىت بولدى. مەملەكەت جاڭا مەشىتتىڭ قۇرىلىسىنا16 ميلليون دوللار قاراجات بولگەن. مەشىتتىڭ اشىلۋى كەلەسى ايدا دەپ جوسپارلانعان.