ەل پرەزيدەنتى جۇگىرۋ ەستافەتاسىنا قاتىسىپ، سپورتكاردى تىزگىندەدى

None
None
استانا. قازاقپارات - تۇرىكمەنستان پرەزيدەنتى گۋربانگۋلى بەردىمۇحامەدوۆ لەباپ ۆەلاياتىنىڭ اكىمشىلىك ورتالىعى تۇرىكمەنابات قالاسىندا «ۇلى جىبەك جولى» بۇقارالىق سپورت جارىستارىنا باستاۋ بەردى، دەپ حابارلايدى قازاقپارات «تۇرىكمەنستان بۇگىن» اقپارات اگەنتتىگىنە سىلتەمە جاساپ.

اكسيا جەڭىل اتلەتيكا ەستافەتاسىنان باستالدى. ول تۇرىكمەنابادتىڭ باس كوشەسى - بيتاراپ تۇرىكمەنستان داڭعىلىندا ءوتتى. ەستافەتانىڭ العاشقى كەزەڭىندە ەل باسشىسى گۋربانگۋلى بەردىمۇحامەدوۆ تە جۇگىردى. ودان ءارى ۆەلوجارىس باستالدى.

كەيىن تۇرىكمەنستان پرەزيدەنتى اۆتوراللي جارىستارى وتەتىن ورىنعا كەلدى.

قازىر ەلدە «امۋل- حازار 2018» حالىقارالىق راللي جارىستارىنا دايىندىق ءجۇرىپ جاتىر، ول 2018 -جىلعى 9-14 -قىركۇيەكتە وتەدى.

گ. بەردىمۇحامەدوۆ سپورتتىق اۆتوموبيلگە وتىرىپ، رالليدىڭ باستاپقى بولىگىن ءجۇرىپ ءوتتى.

ارتىنشا، تۇرىكمەنستان ءى ءى م جانە اۆتوسپورت فەدەراتسياسى ەكيپاجدارىنىڭ جارىسى بولدى.

 

فوتو: turkmenportal.com

سوڭعى جاڭالىقتار