اگەنتتىك دەپارتامەنتى ناۋرىزدا سىيلىق الاتىن شەنەۋنىكتەرگە ەسكەرتۋ جاسادى

None
None
استانا. قازاقپارات - ناۋرىز ايى مەرەكە كۇندەرىنە تولى. وسىعان وراي ش ق و بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ قىزمەتكەرلەرى شەنەۋنىكتەرگە تۇرعىندار تاراپىنان كورسەتىلەتىن سىي-سياپاتتارعا «ساق بولۋدى» ەسكەرتەدى، دەپ جازادى Altaynews.

دەپارتامەنتتىڭ ادەپ كەڭەسىنىڭ كەزەكتى وتىرىسىندا مەملەكەتتىك قىزمەتشىلەردىڭ سىيلىقتاردى قابىلداۋ ماسەلەسى كوتەرىلدى.

جاڭا جىل مەرەكەسى قارساڭىندا دەپارتامەنت ماماندارى وسكەمەن، سەمەي قالالارىنىڭ ءبىرقاتار باسقارمالارىندا، كوميتەت پەن اگەنتتىكتەردىڭ وبلىستىق دەپارتامەنتتەرىندە، ۇلان، گلۋبوكوە اۋدانىنىڭ بولىمدەرىندە رەيد جۇرگىزگەن بولاتىن.

سونىڭ ناتيجەسىندە ك. ليبكنەحت كوشەسى، 19 عيماراتىنا ءتاتتى سىيلىقتار الىپ كىرۋ فاكتىلەرى اشكەرەلەنگەن-دى. قازاقستان كوشەسى، 59/1 عيماراتىندا ورنالاسقان مەملەكەتتىك ورگاندارعا دا جەمىس-جيدەكتەرگە تولعان كارزەڭكەلەردى، قىمباتتىق سپيرتتى ىشىمدىكتەردى كىرگىزۋدىڭ جولى كەسىلگەن بولاتىن. سىيلىقتاردى اكەلگەندەر نەگىزىنەن وسى ورگانداردىڭ بولىمدەرىنىڭ قىزمەتكەرلەرى مەن باسقا دا تۇلعالار ەكەنى انىقتالعان. وسكەمەن قالاسىنىڭ مەملەكەتتىك ورگاندارى ورنالاسقان قازاقستان كوشەسى، 27 ۇيدەن دە «ۆ ك تەحنوگرۋپپ» ج ش س سىيلاعان جوعارىداعىداي سىيلىقتاردى شىعارۋ فاكتىسى تىركەلگەن.

ودان ارى قاراي وسى شارانىڭ اياسىندا باسشىلار مەن ولاردىڭ ورىنباسارلارىنىڭ كابينەتتەرىنەن سۋۆەنير سىيلىقتار تابىلدى.

وتىرىسقا ارنايى شاقىرىلعان وبلىستىق مەملەكەتتىك مۇلىك پەن جەكەشەلەندىرۋ دەپارتامەنتىنىڭ ءبىرىنشى باسشىسى يلدار حاسەنوۆ شەنەۋنىكتەرگە سىيلانعان سىيلىقتاردى مەملەكەتتىك قورعا وتكىزۋدىڭ تارتىبىمەن تانىستىردى.

ق ر-نىڭ اكىمشىلىك قۇقىقبۇزۋشىلىقتار تۋرالى كودەكسىنىڭ 676-بابىنا سايكەس، جەكە تۇلعالار مەملەكەتتىك قىزمەتشىلەرگە سىي-سياپات كورسەتكەن بولسا، سىيلىق بەرۋشىگە 200 ا ە ك كولەمىندە ايىپپۇل سالىنادى. وسى كودەكستىڭ 677-بابىندا شەنەۋنىكتىڭ ءوز قولىمەن نەمەسە دەلدال ارقىلى سىيلىق العانى دالەلدەنسە، وعان 600 ا ە ك كولەمىندە ايىپپۇل سالىناتىنى كورسەتىلگەن.

ەگەر جەكە مەملەكەتتىك قىزمەتشىنى نەمەسە مەملەكەتتىك ورگاننىڭ جۇمىسىن اتاپ وتكىسى كەلگەندەر بولسا، ولار سول ورگاننىڭ رەسمي سايتتارىندا ءوز العىستارىن قالدىرۋىنا بولادى.

 

سوڭعى جاڭالىقتار