رەسەيدىڭ اسكەري اۆياتسياسى «سويۋزدى» قوندىرۋ ءۇشىن قازاقستانعا كەلدى

استانا. قازاقپارات - رەسەيدىڭ اسكەري اۆياتسياسى جانە توتەنشە جاعداي قىزمەتتەرى «سويۋز م س-06» عارىش كەمەسىن قوندىرۋ ءۇشىن قازاقستانعا كەلدى، دەپ حابارلايدى «قازاقپارات» ح ا ا ءتىلشىسى.

حالىقارالىق ەكيپاج 28 - اقپان كۇنى جەرگە ورالۋى ءتيىس.

ەكيپاجدىڭ قونۋىن قامتاماسىز ەتۋگە ون ەكى مي-8 تىكۇشاعى، ءۇش ان-26 ۇشاعى جانە ەكى ان-12 قاتىسادى. بۇلاردان تىس، جەكە قۇرامنىڭ 200 قىزمەتكەرى، 16 اۆتوتەحنيكا جۇمىلدىرىلعان.

رەسەيلىك عارىشكەر الەكساندر ميسۋركين، امەريكالىق عارىشكەرلەر - دجوزەف اكابا مەن مارك ۆاندە حاي مىنگەن كاپسۋلا 28 - اقپان كۇنى جەرگىلىكتى ۋاقىتپەن 8:31-دە جەزقازعان قالاسىنىڭ ماڭىنا قونۋى ءتيىس.