ەرلان قارين: «ءجۇرسىننىڭ جۇيرىكتەرى» جاڭا فورماتتا ايتىستىڭ كوركىن قىزدىرادى
بۇل تۋرالى «قازمەديا» ورتالىعىندا «قازاقستان» ر ت ر ك» ا ق باسقارما ءتوراعاسى ەرلان قارين ايتتى، دەپ حابارلايدى «قازاقپارات» ح ا ا ءتىلشىسى.
«كوكتەمگى ماۋسىمدا دايىنداپ وتىرعان بىرنەشە قىزىقتى جوبالار بار. ولار ءار ءتۇرلى جانردا بولادى. «مەن قازاقپىن» سەكىلدى ۇلكەن جوبالاردىڭ ءبىرى - «ءجۇرسىننىڭ جۇيرىكتەرى» بولماق. بۇل جوبانى وتكەن جىلدان بەرى جوسپارلادىق. باس تورەشىسى ءجۇرسىن ەرمان بولادى. ايتىس ءار جەكسەنبى سايىن كەشكى ساعات توعىزدا باستالادى»، - دەدى ەرلان قارين «Qazaqstan» ۇلتتىق تەلەارناسىنىڭ الداعى جوبالارى تۋرالى ايتقان سوزىندە.
ونىڭ ايتۋىنشا، ايتىسقا ەلىمىزگە بەلگىلى جيىرما شاقتى اقىن قاتىسادى. ايتىس شىلدە ايىنىڭ باسىنا دەيىن جالعاسپاق. ايتىس ۇلتتىق ناقىشتى ساقتاي وتىرىپ، جاڭا فورماتتا ۇسىنىلادى.
«ءجۇرسىننىڭ جۇيرىكتەرى» باعدارلاماسىنىڭ قازىلار القاسىنىڭ مۇشەسىندە بەلگىلى ونەر قايراتكەرلەرى: قازاق كينوسىنىڭ مايتالمانى، ق ر حالىق ءارتىسى اسانالى ءاشىموۆ، ءانشى ءارى كومپوزيتور، ق ر حالىق ءارتىسى التىنبەك قورازبايەۆ، پروفەسسور، عىلىم دوكتورى نامازالى وماشەۆ پەن حالىق اقىنى ءاسيا بەركەنوۆا بولماق. ال جوبانىڭ باستى قوناعى ق ر ەڭبەك سىڭىرگەن قايراتكەرى، اقىن ءارى جۋرناليست ءجۇرسىن ەرمان سايىس اراسىندا پىكىرىن ايتىپ وتىراتىن بولادى.
