بويجەتكەننىڭ باسىن «جۇلىپ العان» سيقىرشىنىڭ سىرى اشىلماعان كۇيدە قالۋدا - ۆيدەو

None
None
استانا. قازاقپارات - سيقىرشى ءوزىنىڭ اسسيستەنتىنىڭ باسىن جۇلىپ العان ءساتى بەينەلەنگەن ۆيدەونى جاريالادى



ا ق ش سيقىرشىسى ەندي گروسس بويجەتكەننىڭ باسىن جۇلىپ الىپ، جۇرتتى شوشىتتى.

كوز الدىڭىزعا ەلەستەتىپ كورىڭىز: ءسىز اۆتوبۋستا كەلە جاتىرسىز. ءبىر كەزدە اۆتوبۋستى جارتى جولدا توقتاتىپ، ىشكە ەنتەلەي كىرگەن جىگىت اۆتوبۋستا وتىرعان بويجەتكەننىڭ وزىمەن بىرگە ءتۇسىپ قالۋىن تالاپ ەتەدى. بويجەتكەن كەلىسپەگەننەن كەيىن، جىگىت ەنتەلەپ بارىپ ونىڭ باسىن جۇلىپ الادى.

وقيعاعا كۋا بولعان جولاۋشىلاردىڭ ەستەرى شىعا ايعايلاپ، قاتتى شوشىپ قالعان.

ءدال وسىعان ۇقساس وقيعا اۆتوبۋس ايالداماسىندا دا قايتالانعان. الايدا، اۆتوبۋس كۇتىپ تۇرعان كىسىلەردىڭ كەيبىرى مۇنىڭ فوكۋس ەكەنىن بىردەن تۇسىنسە دە، كەيبىرى باسىنان ايىرىلىپ، ايعايعا باسقان بويجەتكەنگە كومەكتەسۋگە ۇمتىلعان. ءتىپتى، اۆتوبۋس جۇرگىزۋشىسى سيقىرشىنىڭ سوڭىنان شوقپار الا جۇگىرگەن.



كەيبىرەۋلەر قىزدىڭ باسى جالعان مويىننىڭ استىندا جاسىرۋلى تۇر، سيقىرشى بويجەتكەننىڭ باسىنا قارا ورامالدى جاۋىپ، «جالعان باستى» جۇلىپ الادى دەيدى.

ەندى ءبىرى ەكىنشى نۇسقانى ۇسىنادى - بويجەتكەننىڭ باسى ورنىندا تۇر، تەك سيقىرشى قارا ورامالدى جاۋىپ، ونىڭ باسىنا جالعان مويىندى كيگىزىپ كەتەدى دەيدى.

قالاي دەسەك تە، بۇل فوكۋستىڭ سىرى ءالى اشىلماعان كۇيدە قالۋدا. ال، سيقىرشى ەنديدىڭ نەگىزگى فوكۋسىنىڭ سىرى الدەقاشان اشىلىپ قويعان. وزدەرىڭىز بايقاعانداي، يلليۋزيونيستىڭ ۆيدەولارىنىڭ باسىم بولىگى ادامدى ەكى بولىككە بولۋگە ارنالعان.



Clear Magic ارناسى فوكۋستىڭ سىرىن اشىپ، ونى كەز كەلگەن ادام جاساي الاتىندىعىن كورسەتتى.

بۇل ءۇشىن سىزگە وتە ۇزىن شالبار (ءوز اياعىڭىزدان ەكى ەسە ۇزىن) كەرەك، ونىڭ ارتقى جاعىنان اياققا كيەتىن ەكى تەسىك قالدىرۋ كەرەك. سونىمەن قاتار، ارتقى جاعى كەسىلگەن، ال الدىنان تەرىس جاعىمەن شالبارعا جاپسارلاسىپ تۇراتىن جەيدە قاجەت. سوندا الدىڭعى جاعىنان قاراعاندا دەنە مەن اياق ءبولىنىپ قالعانداي كورىنەدى، ال شىن مانىندە ءسىزدىڭ اياعىڭىز قيسايىپ بۇگىلگەن قالىپتا تۇرادى، ال دەنەنىڭ وسى يىلگەن جەرىن جەيدە جاۋىپ تۇرادى.

 

دەرەككوزى: medialeaks.ru

سوڭعى جاڭالىقتار